Lukas 11:53 - En Taar Weru a nunuwu' é Tontemboan

⁵³ Kumawus in itu si Yesus tumela'u in tampa itu. Wo a si témpo itu sé makailek wutul in Torat wo sé tou Farisi tumo'tolo uli-ulit masuut a si Yesus. Ampa'paan in ituo ta'kongen éra si Yesus maké wuwuéien membam-balinaan.

Lukas 11:53 Iomraidhean Croise

Lukas 11:52

Icawangkuro mio' kamu sé makailek wutul in Torat! Kailekan iow tumambisa kumiit ing kasalé'an i Amang Kasuruan, taan kamu in esa ra'ica maéma' taniitu. Taan pakalaan iowke' taré sé tou walina sé masalé' kumiit ing kasalé'an i Amang Kasuruan. En itu meputé kamu makakuluo ing kukusi' im papalen taan ipakaéma'ke' miow akar sé tou ra'ica icauntep.”

Lukas 11:54

Ang karoro'an in itu, peméa-méan éra rékén wosama' kéréan éra eng kaséaan i Yesus an sosowat-Na.

Lukas 20:20

Wo si Yesus peméa-méan rékén é makailek wutul in Torat wo sé kikiiten é imam. Wo iru'du' éra mangé tou e mawere-weren si Yesus wo séra mapa in loor kéndo'. Sé tou itu mamuéi a si Yesus maké im buwuéien tanu kéndo' awéan si masalé' kailekan éra wosama' ro'na ta'kongen éra Sia. Wo sa Sia suméa' sumowat, isarakan éra oka Sia a si gubernur Romawi si makakawasa an sangkum itu en ukumen im patén.

Lukas 20:27

Kekawus in itu, piraan tou Saduki mai a si Yesus. Ra'ica pangakun éra sa sé tou imatéo touen oka sumawel. Wuéien éra a si Yesus,

Kisah Para Rasul 26:9

Indior sa kumiit im basaku in esa, émaanku sapake' mangé en sumundur sé tou makiit si Tou Nazaret makangaran Yesus.

1 Korintus 13:5

Sia ka'i ra'ica mengaéma' sé ra'ica sumoma wo ra'ica maéré ing kasalé'- an in owakna in esa. Sia ra'ica taporak mae'bow wo ka'i ra'ica ipaéma'na an até eng kameséaan é tou walina.

2 Korintus 8:6

Ampa'paan in ituo, linesé' ami si Titus mangé ai camu wo lumekep in sumuun in doit ipatawang anio'. Ampa'paan siao eng kataré tumo'tol in tawoien anio' an uner iow.