Lukas 11:52 - En Taar Weru a nunuwu' é Tontemboan

⁵² Icawangkuro mio' kamu sé makailek wutul in Torat! Kailekan iow tumambisa kumiit ing kasalé'an i Amang Kasuruan, taan kamu in esa ra'ica maéma' taniitu. Taan pakalaan iowke' taré sé tou walina sé masalé' kumiit ing kasalé'an i Amang Kasuruan. En itu meputé kamu makakuluo ing kukusi' im papalen taan ipakaéma'ke' miow akar sé tou ra'ica icauntep.”

Lukas 11:52 Iomraidhean Croise

Matius 22:35

Wo awéan esa ai séra si makailek wutul in Torat, mangepé' tuma'kong si Yesus maké im buwuéien.

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Lukas 11:53

Kumawus in itu si Yesus tumela'u in tampa itu. Wo a si témpo itu sé makailek wutul in Torat wo sé tou Farisi tumo'tolo uli-ulit masuut a si Yesus. Ampa'paan in ituo ta'kongen éra si Yesus maké wuwuéien membam-balinaan.

Kisah Para Rasul 5:40

Wo towan éra sé ruru'du'an itu wo tepian éra. Wo pinéro éra ka'i sé ruru'du'an itu wosama' ra'io sumusui maké i ngaran i Yesus. Kumawus ako itu iwekar éra sé ruru'du'an itu.