Lukas 11:41 - En Taar Weru a nunuwu' é Tontemboan

⁴¹ Ampa'paan in ituo iwééo mio' sapa sé ai camu en tumawang sé tou lengéi. An tutuw iow iméma' in tanu siitu, pakasa waya uli-ulit maweresi.

Lukas 11:41 Iomraidhean Croise

Matius 26:11

Ampa'paan sé tou lengéi tatap ang karapi miow wo séra ro'na tawangen iow. Taan Aku ra'io uré mewali-wali wo icamu.

Matius 5:42

Sa awéan tou e mangilek sapake' mangé ai camu, iwééo mio' sapa em pinangilekna. Wo tioo icélong iow sa awéan tou e masalé' miram sapake' ai camu.”

Markus 7:19

ampa'paan sé muntep itu ra'ica muntep an até taan muntepke' an tina'ina, wo tiya' ka'i ang kakus?” Wo in taniitu, icua i Yesus ka'i sapaoka pakasa eng kakanen ro'na kanen.

Lukas 12:33

Iwangkéro mio' eng kasiyaanmu wo en doit itu iwééo mio' a sé tou lengéi! Sa émaan iow tanu siitu, meputéo kamu méma'o im paumungan ing kasiyaan si ra'- ica maléwo' wo awéan akar ing kauré-uré. Siituo eng kasiyaan si ayéma' miow an sorga, si ra'ica rombiten é tou wo ka'i ra'ica léwoon é lolondi.

Lukas 16:9

Icua-Ku ai camu, pakéno mangé eng kasiyaan ing kayo'baan anio' en tumawang sé tou e makéré karapi, wosama' sa eng kasiyaan iow maka'puo, kamu teriman oka am paento'an an sorga, si ento'an iow akar ing kauré-uré.

Lukas 18:22

Kelinga in itu wo icua i Yesus ai sia, “Awéané' esa e musti émaanmu: Iwangkéro waya eng kasiyaanmu wo iwété-wéténgo mio' en itu a sé tou lengéi wo in taniitu kéréanmu oka eng kasiyaan an sorga. Kumawus in itu mayoo wo kumiito mai Yaku.”

Lukas 19:8

An tutuw i Yesus am balé i Zakheus wo sia tumulung wo kumua a si Apo' Yesus, “Tuang! Sangaperua ing kasiyaanku, iwééku oka a sé tou lengéi. Wo si séike' mangé si sumangkumo niuwak wo niindoanku in doit, iwaréngku oka sumawel ai sia makaepat lumepet!”

Kisah Para Rasul 10:15

Taan en suara itu kumua sumawel, “Sapa sé aicua i Amang Kasuruan ro'na kanen, ra'ica toro icuamu ra'ica toro kanen.”

Kisah Para Rasul 11:29

Kumawus in itu, sé tou maéman an Antiokhia musé' en lumi'us roit patawang iwéé a sé poo-poow an esa paémanen an Yudea, iciit ing kawooan éra i esa wo si esa.

Kisah Para Rasul 24:17

Ampa'paan piraano ngata'un aku an tampa walina, yaku maréngai an Yerusalem e mai méé roit ipatawang a si bangsaku Yahudi sé menonou ang kalengéian wo ka'i méé raragésan a si Amang Kasuruan am Balé Le'nas.

2 Korintus 8:12

Sa kita mawéé ang karapi in lekep en até, teriman oka i Amang Kasuruan sapa sé aiwééta kiit ing kawooanta. Ampa'paan si Amang Kasuruan ra'ica kawisa mako tumuntut ai cita e méé si ra'ica kawooanta.

Efesus 4:28

Si tou si sumangkumo rumombit, yentoo mio' marombit. Aweso taré sia rumaméji tumawoi sapake' sé loor ang karapi ing kamana in esa, wosama' sia makaanu in sapa-sapake' si ro'na iwéténg a sé tou lengéi.

Titus 1:15

A sé tou le'nas an dior i Casuruan, sapake' waya en émaanna le'nas. Taan sé tou najis wo sé ra'ica maéman a si Casuruan, em pawasan wo em pengaémaan éra ra'ica loor ampa'paan en até wo em bewerot éra najis.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.