Lukas 11:32 - En Taar Weru a nunuwu' é Tontemboan

³² Asi endo kaka'puan ing kayo'baan, sé tou Niniwe touen oka sumawel mewali-wali wo sé tou menonou intarépé' wo séra oka en tumuru' ing kameséaan iow sé menonou intarépé' en ukumen. Ampa'paan sé tou Niniwe mape'dis ang kamesé-meséaan éra an tutuw éra luminga in aicua i Yunus. En ulitna Yaku en lumébé mai wo si Yunus an dior iow, taan kamu ra'ica mape'dis.”

Lukas 11:32 Iomraidhean Croise

Matius 12:39

Taan icua i Yesus ai séra, “Kamu tou léwo' wo ra'ica le'tek anio' mangilek a Yaku méma' in esa tuus. Sé tou tanu icamu ra'ica turu'an-Ku esa tuus aluar in tuus si mamuali a si nabi Yunus.

Matius 12:41

Asi endo kaka'puan ing kayo'baan, sé tou Niniwe touen oka sumawel mewali-wali wo icamu sé menonou intarépé' wo séra oka e makim icamu. Ampa'paan sé tou Niniwe mape'diso an tutuw éra luminga in aicua i Yunus. En ulitna, an dior iow awéan Aku si lumébémai wo si Yunus, taan kamu ra'ica mape'dis!

Lukas 11:31

Asi endo kaka'puan ing kayo'baan, si ratu Syeba a mékona owo touen oka sumawel mewali-wali wo icamu sé menonou intarépé' wo sia oka en tumuru' ing kaséaan éra. Ampa'paan si ratu itu mai an tempok ing kayo'baan owo en luminga ing kapinteran i Salomo. En ulitna, Yaku am bia'i en lumébémai wo si Salomo wo icamu sé menonou intarépé' ra'ica kiim luminga Sia.

Ibrani 7:26

Anaé, si Yesus ituo si Imam Wangko' si paperlunta. Sia itu le'nas, Sia ra'ica wana kaséaan wo ra'ica wana e ro'na méé kaséaan. Sia aitané asé tou sé iméma' ing kamesé-meséaan, wo niangkai angé asi tampa pasiri-siriin an sorga.