Lukas 11:22 - En Taar Weru a nunuwu' é Tontemboan

²² Taan sa awéan esa tou en lébé keter mai sumundur wo kumala si makawalé itu, eng kasiwakana pakasa en lulutaw pawerotenna ro'na lumoindong isia, andéten oka i tou lébé keter itu. Wo pakasa eng kasiyaan sé an untep im balé itu rombiten oka i tou lébé keter itu wo yéké-ékéna a sé kara-karapina.

Lukas 11:22 Iomraidhean Croise

Lukas 11:21

Sa awéan esa tou keter, wuta in lulutaw ipatéir im baléna in esa, tantu pakasa eng kasiyaan sé an untep im balé itu ra'ica rombiten é tou.

Lukas 11:23

Si séi si ra'ica kiim mewali-wali wo Yaku, sia masundur Yaku, wo si séi si ra'ica kiim sumémbong lumi'us sé tou mai a Yaku, sia mengaéma' sé tou mentan-tanéan.”

Efesus 6:11

Pakéno mangé waya em pakakas ipaperang si aiwéé i Casuruan ai camu, wosama' kawooan iow sumundur im pakauwak i kikiiten é sétang.

Efesus 6:13

Ampa'paan in itu, pakéno mangé waya em pakakas im paperang asi Amang Kasuruan owo, wosama' kawooan iow en sumundur asi endo léwo' itu wo kamu kasake' keter kekawus iow merang.

Kolose 2:15

Ang kayu salip itu, pakasa é roh sé maperénta wo e roh sé makakawasa kinalao i Kristus. Niéma'-Na séra tanu tou pakawa'kesen, mawaya' makiit an somoi-Na. Séra mamuali séséro'en é tou an tutuw si Kristus muntung.

1 Yohanes 3:8

Taan si séi si mengéma-ngéma'pé' ing kamesé-meséaan, sia itu anu i kikiiten é sétang, ampa'paan si kikiiten é sétang itu tumo'tolke' mai indior mengéma-ngéma' ing kamesé-meséaan. Taan si Toyaang i Amang Kasuruan maai en tumeri im pakasa sé pengaémaan i kikiiten é sétang.

1 Yohanes 4:4

Toya-toyaangku, kamu itu asi Amang Kasuruan owo. Kamu icumalao sé nabi ra'ica wutul itu, ampa'paan e Roh ai camu itu eng kawasana en lébé wangko' mai wo si roh asi cayo'baan anio'.