Lukas 11:2 - En Taar Weru a nunuwu' é Tontemboan

² Wo icua i Yesus ai séra, “Sa kamu sumombayang, icuao mio' in tana'i, ‘Amang ami an sorga, e ngaran-Mu le'nas wo iparangka-rangka'. Mayoo si Amang Kumawasa tanu Kolano ami.

Lukas 11:2 Iomraidhean Croise

Matius 10:32

Si séi e mangaku an dior é tou sapaoka sia makiit Yaku, pangakun-Ku oka ka'i sia tou-Ku an dior i Amang-Ku an sorga.

Matius 3:2

“Mape'diso mangé ang kamesé-meséaan, ampa'paan eng Kakolanoan i Amang Kasuruan makatawio!”

Matius 5:16

Tanu siituo ka'i wo icamu, en sendotmu musti tumélang an dior é tou wosama' sérén éra em pengaémaanmu loor wo marayo-rayo si Amangmu an sorga.”

Lukas 11:1

Asi sangando si Yesus masombayang an esa tampa. Makakawusai Sia isumombayang wo esaan a sé murit-Na kumua ai Sia, “Guru, pekiupusen ami susuianai kami masombayang, tanu ka'i si Yohanes Mabaptis masusui a sé muritna masombayang.”

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

Roma 8:15

Ampa'paan e Roh aiwéé i Amang Kasuruan ai camu itu, ra'ica méma' icamu mamuali ata akar kamu menonou ang kaindé'an. Taan e Roh aiwéé i Amang Kasuruan itu, méma' icamu mamuali toya-toyaang i Amang Kasuruan. Wo e Roh i Amang Kasuruan itu maakin icita akar patowanta si Amang Kasuruan, “Amang, o Amangku!”

1 Korintus 1:3

Pekiupusenku a si Amang Kasuruan Amangta wo a si Apo' Yesus Kristus en tumambérai in upus-Na wo méma' ing katowan iow elur.

2 Korintus 1:2

Pekiupusen ami a si Amang Kasuruan Amangta wo a si Apo' Yesus Kristus en tumambérai in upus wo ing kaeluran ang katouan iow.

Galatia 1:4

Kumiit ing kasalé'an i Amang Kasuruan Amangta, si Yesus si sumarakano in owak-Na en tumu'bus ing kamesé-meséaanta wosama' kita icawekar asi kaléwo'an si awéan ang kayo'baan intarépé'.

Efesus 1:2

Upus aitambér wo eng kaeluran asi Amang Kasuruan Amangta wo asi Apo' Yesus Kristus mewali-wali wo icamu.

Filipi 1:2

Isombayang ami wosama' en upus aitambér wo eng kaeluran asi Amang Kasuruan Amangta wo asi Apo' Yesus Kristus mewali-wali wo icamu.

Filipi 4:20

Mayoo kita rumayo wo sumiri' si Amang Kasuruan, Amangta akar ing kauré-uré! Ulit.

Kolose 1:2

En surat anio' aicirim ami a sé poo-poow le'nas ang Kolose, sé maémano a si Kristus. Pekiupusenku a si Amang Kasuruan, Amangta, sa woo ro'na Sia tumambérai in upus wo ing kaeluran-Na ai camu.

1 Tesalonika 1:1

Siri'ku Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika, sé maéman a si Amang Kasuruan wo a si Apo' Yesus Kristus. Pangileken ami a si Amang Kasuruan wosama' kamu tambéran-Na mai ing kamang wo méma' ing katouan iow elur.

1 Tesalonika 1:3

Susur ami sumombayang a si Amang Kasuruan Amangta, pena'né-na'néien ami em pakaselewir iow ampa'paan kamu maéman a si Yesus. Kata'néian ami tambisa kamu maselewir a sé tou walina ampa'paan séra icaupus iow. Kata'néiané' ami mandé ka'i kamu talesen meta'up ing kawenduan, pengaraméjin iow mengaéma' sé loor ampa'paan maara-arapke' a si Yesus Kristus Apo'ta.

2 Tesalonika 2:16

Si Apo'ta Yesus Kristus wo si Amang Kasuruan, Amangta mengaupuso mai cita. Aitambér-Nao mai en upus-Na ai cita wosama' ro'na méé ing kaketeran an até akar ing kauré-uré, wo méé mai im paarapen ai cita e makéré oka sé loor.

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”

Wahyu 15:4

Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”

Wahyu 19:6

Kekawus in itu kalingaanku tanu awéan suara é tou keli si tanuoka eras in dano an tekaan wo tanuoka in téngéna in erut. En suara itu makua in tana'i, “Irayoo mangé si Amang Kasuruan! Ampa'paan si Casuruanta, Amang Kasuruan si makakawasa intarépé' mengaperénta tanu Kolano.

Wahyu 20:4

Kekawus in itu sérénku em palukutan pasiri-siriin, wo sé makalukut am bawona. Séra winéan kawasa e makim. Wo sérénku ka'i sé mu'kur é tou sé imaté pinokolan in do'kos ampa'paan mengasairi in andumoro' i Yesus wo ka'i mengakua in Taar i Amang Kasuruan. Séra sé tou sé ra'ica makuru en sumiri' a si binatang itu wo im patongna, wo ra'ica tumerima in tuusna an tuintung wo ang kama éra. Séra itu tinou sumawel wo merénta mewali-wali wo si Kristus sangariwu ngata'un eng kauréna.