Lukas 11:13 - En Taar Weru a nunuwu' é Tontemboan

¹³ Anaé, sa kamu sé léwo' makailek mawéé sé loor a sé toyaang iow, wopé'taré si Amang iow an sorga! Iwéé-Na oka mai e Roh Le'nas a sé tou sé imangilek ai Sia.”

Lukas 11:13 Iomraidhean Croise

Matius 5:16

Tanu siituo ka'i wo icamu, en sendotmu musti tumélang an dior é tou wosama' sérén éra em pengaémaanmu loor wo marayo-rayo si Amangmu an sorga.”

Matius 5:45

Sa émaan iow taniitu, kamu mamuali toya-toyaang i Amang iow an sorga, si mantangai si yéndo a sé tou léwo' wo a sé tou sama' wo mawéé mai in uran a sé tou sé maéma' im butul wo a sé tou sé ra'ica mengaéma' im butul.

Matius 6:14

Sa ampungan iow eng kameséaan sé niéma' é tou ai camu, si Amang iow an sorga ka'i méé oka ing kaampungan ai camu.

Matius 6:30

Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Ra'ica réén icamu en émaan-Na lébé pasung, éi tou sé ra'ipé' talos maéman?

Matius 6:32

Pakasa en itu pinangéré é bangsa sé ra'ica makatuus si Amang Kasuruan. Taan kailekan i Amang iow an sorga pakasa sé paperlun iow.

Matius 7:11

Anaé, sa kamu sé léwo' makailek mawéé sé loor a sé toyaang iow, wopé'taré si Amang iow an sorga! Iwéé-Na oka mai sé loor a sé tou sé imangilek ai Sia.

Lukas 11:12

Kuma'pa méé kalajengking sa si toyaangna mangilek wulinga'? Tantu ra'- ica to?

Lukas 11:2

Wo icua i Yesus ai séra, “Sa kamu sumombayang, icuao mio' in tana'i, ‘Amang ami an sorga, e ngaran-Mu le'nas wo iparangka-rangka'. Mayoo si Amang Kumawasa tanu Kolano ami.

Lukas 18:7

Sa si akim si marapitke' itu ro'na méla im perkara i wéwéné balu itu, wopé'taré si Amang Kasuruan, tantu tawangen-Na oka sé tou sinisir-Nao in esa sé meki-kiupus ai Sia endo wo em bengi. Wo makala'us tawangen-Na wo ra'ica ipauré-uré.

Yohanes 4:10

Isowat i Yesus ai sia, “Sa raké' woo kailekan i inang sapa si casalé' iwéé i Amang Kasuruan wo makailek si séi réén Aku si mangilek woo elepen, tantu si inang mangilek oka a Yaku, wo iwéé-Ku oka a si inang en dano si mawéé ing katouan.”

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Roma 5:17

Anaé, ampa'paan ing kamesé-meséaan i esa tou siao si Adam, akar pakasa sé tou patus maté. Taan e niéma' i esa tou Siao si Yesus Kristus, uli-ulit en lébé wangko' mai. Ampa'paano Sia, sé tou tinambéranai i Amang Kasuruan in upus-Na lumepe-lepet wo nianggap-Na wutul an dior-Na. Séra sé maéman a si Yesus Kristus itu, menonou oka akar ing kauré-uré wo kumawasa ing kayo'baan ampa'paano Sia.

Roma 7:18

Kailekanku ra'ica wana sé loor an owakku, iciit ing katouanku in tou. An owakku awéan eng kasalé'an e méma' sé loor, taan en itu ra'ica kawooanku iméma'.

Roma 8:32

Si Toyaang-Na in esa ra'ica pena-nangen-Na en sumangkum ing kawenduan taan aisarakan-Na torona kita im baya. Sa taniitu, tantu iwéé-Na oka ai cita em baya-waya mewali-wali wo Sia.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.