Lukas 10:27 - En Taar Weru a nunuwu' é Tontemboan

²⁷ Isowat i tou itu, “ ‘Mengaupus angé si Casuruan, si Amang Kasuruanmu ang karapi in lekep en atému, ang karapi im pakasa ing katouanmu, ang karapi im pakasa ing kaketeranmu wo ang karapi im pakasa im pakawerotmu.’ Wo ka'i ‘Mengaupus angé sé kakélému tou meputé ko mengaupus in owakmu in esa.’ ”

Lukas 10:27 Iomraidhean Croise

Matius 19:19

siriin angé si amang wo si inangmu, wo mengaupus angé sé kakélému tou meputé ko mengaupus in owakmu in esa.”

Lukas 10:26

Wo isowat i Yesus ai sia, “Sapa en aipatic an ukum Torat? Wo sapa em binacamu am bitu?”

Roma 13:9

An ukum Torat aipatic in tana'i: “Tioo mengabersina, tioo mengapaté tou, tioo mengarombit, wo ka'i tioo mengasalé' in anu é tou walina.” Sé perénta-perénta itu wo ka'i sé perénta-perénta walina pineesao a si perénta anio', “Mengaupus angé sé kakélé tou tanu kamu mengaupus in owak iow in esa.”

Galatia 5:13

Poo-poow, kamu tinowao i Amang Kasuruan mamuali tou sé ra'io ka'i pakakawasan in ukum Torat. Taan tioo pakén iow eng kaloasan itu imamuali alasan i menonou ang kamesé-meséaan. Taan aweso taré kamu si esa wo sé walina mensen-selewirano mangé ang karapi in upus.

Ibrani 8:10

Taan intarépé', si anioo em perjanjian si émaan-Ku oka ang karapi é tou Israel, asé endo mengangai sa. Iweta'-Ku oka en ukum-ukum-Ku a ngaas éra, wo ipatic-Ku oka en itu an untep in até éra. Yaku mamuali oka Amang Kasuruan éra, wo séra mamuali oka tou-Ku.

Yakobus 2:8

Sa émaan iow en ukum kumataré-taré si aipatic ang Kitap Le'nas, “Mengaupuso mangé sé tou walina, meputé kamu mengaupus in owak iow in esa!”, kamu iméma'o im butul.

1 Yohanes 3:18

Toya-toyaangku, tioo kita ma- upus asaloke' am ba'ba' kuma'pa asaloke' a nunuwu', taan mayoo kita meupu-upusan ang karapi im pengaémaan wo lekep en até.