Lukas 10:15 - En Taar Weru a nunuwu' é Tontemboan

¹⁵ Wo kamu sé tou ang kota Kapernaum, weroten iow réén sapaoka angkaien i Amang Kasuruan kamu akar an sorga? Ra'ica. Taan taré, itiya'-Na oka kamu an tampa é tou imaté.”

Lukas 10:15 Iomraidhean Croise

Matius 10:28

Tioo kamu maindé' a sé tou sé asalo makawoo maté in owak iow taan ra'ica wana kawasa e maté i mu'kur iow. Taan maindé'o mangé a si Amang Kasuruan si makakawasa e maté in owak wo i mu'kur iow a naraka.

Matius 11:23

Wo kamu sé tou ang Kapernaum, weroten iow réén sapaoka kamu angkaien oka akar an sorga? Ra'ica! Taan taré, itiya'-Na oka kamu a naraka! Sa eng kakaya'kaan si imamualio an uner iow itu niéma'-Ku an Sodom, tantu eng kota itu awéané' akar intarépé'.

Matius 4:13

Wo itela'u-Na e Nazaret wo mento' ang Kapernaum, an tembir in lour Galilea an sangkum in Zebulon wo Naftali.

Lukas 13:28

An tutuw iow suméré si Abraham, Ishak wo si Yakub wo pakasa sé nabi masalé-salé' ang Kakolanoan i Amang Kasuruan, kamu maamé' oka akar mengare-ngare'ket im baang ampa'paan kamu tiya' oka ang kesot.

Lukas 16:23

An tampa é tou imaté si tou siya' itu ang karoro'an imawendu. Wo an tutuw sia kumanat angé, sérénna si Abraham an tampa tayang wo si Lazarus an duruna.

2 Petrus 2:4

Sé malaékat indior sé mengaéma' ing kamesé-meséaan ra'ica ampungan i Amang Kasuruan, taan iténdél-Na séra an api si ra'ica mape'de-pe'del akar ing kauré-uré. Séra yuntep ang kepal rarem wo riréimbeng en se'sek am bitu akar asi endo Sia mai makim pakasa in tou.