Lukas 1:74 - En Taar Weru a nunuwu' é Tontemboan

⁷⁴ sapaoka iwekar-Na oka kita ang kakawasaan é kaséké'ta, wosama' kita ra'ica wana eng kaindé'an en sumelewir ai Sia.

Lukas 1:74 Iomraidhean Croise

Lukas 1:71

Si Tou itu maai oka mekar icita asé kaséké'ta, wo ang kakawasaan é tou sé masuut icita,

Lukas 1:73

Si Amang Kasuruan in esa eng kumua in sumpa itu a si Abraham, amang é apo-apo'ta,

Lukas 1:75

Wo ang kauréta menonou ang kayo'baan, kita musti menonou le'nas, wo asalo mengéma-ngéma' im butul si casalé' i Casuruan.

Roma 6:22

Taan intarépé' kamu aicawekaro ang kamesé-meséaan wo imamualio ata i Amang Kasuruan. Akar kamu makéré im buéna i menonou le'nas torona i Amang Kasuruan wo eng kasiwakana kamu makéré oka ing katouan akar ing kauré-uré.

Roma 8:15

Ampa'paan e Roh aiwéé i Amang Kasuruan ai camu itu, ra'ica méma' icamu mamuali ata akar kamu menonou ang kaindé'an. Taan e Roh aiwéé i Amang Kasuruan itu, méma' icamu mamuali toya-toyaang i Amang Kasuruan. Wo e Roh i Amang Kasuruan itu maakin icita akar patowanta si Amang Kasuruan, “Amang, o Amangku!”

2 Timotius 1:7

Ampa'paan si Amang Kasuruan ra'ica méé i Roh-Na ai cita wosama' kita maindé', taan iwéé-Na e Roh-Na wosama' en atéta maketer, wo ro'na mengaupus sé tou walina wo ka'i iméma' icita ro'na kumawasa in owakta in esa.

Ibrani 2:15

Wo in taniitu sé tou iwekar-Na ang kaindé'an im papaté. Ampa'paan indior sé tou pakakawasan ing kaindé'an im papaté ang kauré éra menonou.

Ibrani 9:14

Anaé, sa en enda' wo en awu é binatang itu ro'na meresi in tou, lébé-lébépé' ka'i en enda' i Kristus! En enda'-Na ro'na lume'nas in até weresita asi mengéma-ngéma' sé ra'ica wana en torona, wosama' kita ro'na maapo' a si Amang Kasuruan si menonou. Ampa'paan si Kristus imééo in owak-Na in esa a si Amang Kasuruan tanu raragés si makaleke-lekep, ampa'paano ing kawasa i Roh i Amang Kasuruan si menonou akar ing kauré-uré.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.