Lukas 1:51 - En Taar Weru a nunuwu' é Tontemboan

⁵¹ Wo émaan-Na andumoro' sé ra'io icakua maké ing kaketeran ing kama-Na wo lumicoko im pawasan é tou sé makaaté tirayo.

Lukas 1:51 Iomraidhean Croise

Roma 1:21

Kailekan é tou sapaoka si Amang Kasuruan itu awéan, taan séra ra'ica marayo wo masiri' Sia tanu Amang Kasuruan wo ka'i ra'ica mengawéé i makapulu'sama' ai Sia. Taan taré séra asalo imemero-merot sé ra'ica wana en torona wo en até éra em bodok imariréimbengo.

2 Korintus 10:5

Tangkisen ami em pawasa-wasan léwo' wo tongkaren ami em bénténg-bénténg ing katirayoan é tou sé mengaéma' séra ra'ica makatuus si Amang Kasuruan. Kawasan ami em bewerot é tou wo maali iséra le'tek a si Kristus.

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”

Wahyu 18:8

Ampa'paan pakasa eng kawangkuran wayake' in sangando tumena ai sia, tanumai sakit malawé, mala'lu wo ing kaareman, wo sia tunun oka in api, ampa'paan si Amang Kasuruan si kumete-keter e makim sia.”