Lukas 1:49 - En Taar Weru a nunuwu' é Tontemboan

⁴⁹ ampa'paan si Amang Kasuruan Si Makakawasa iméma'o a yaku andumoro' sé wangko' si ra'io icakua. E ngaran-Na le'nas ampa'paan Sia uli-ulit le'nas.

Lukas 1:49 Iomraidhean Croise

Markus 5:13

Wo énan i Yesus em pinekiupus éra. Wo pakasa sé roh léwo' itu kumesot asi tou itu wo muntep a sé wawi itu, eng kakeli éra rua ngariwu wona'. Sé reru' é wawi itu lumo'tic ang kepal muntep an lour wo maté imalesem am bitu.

Lukas 1:48

Winéan-Nao rékén aku ata-Na si pawawa-wawa'. Wo tumo'tol intarépé' pakasa sé tou tumuul oka yaku wéwéné kinamang,

Lukas 1:50

Wo si Amang Kasuruan ra'ica mento' menuru-nuru' ing kaupusan-Na a sé apo-apo' wo a sé toyaang akar a sé poyo' sé mengakuru mengasiri' Sia.

Efesus 3:20

Si Amang Kasuruan makawoo iméma' lébé kelimai asé sapa sé ipasombayangta kuma'pa sapa sé pawerotenta, kumiit ing kawasa-Na si matawoi ai cita.

Wahyu 15:4

Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”

Wahyu 4:8

Sé epat mahluk itu maka- anu mekélé enem en tétéléw, en an untep wo ang kesot in tétéléw mawuta-wuta im beren. Endo wo em bengi sé mahluk itu ra'ica maento-ento' i makantar, “Le'nas, le'nas, le'nas si Amang Kasuruan Si Makakawasa, Si awéano indior, intarépé', wo si maai oka sa.”