Lukas 1:29 - En Taar Weru a nunuwu' é Tontemboan

²⁹ Kelinga i Maria sapa en aicua i malaékat itu wo sia mangaya'ka' wo memué-muéi an aténa sapa eng kaangéan in siri' itu.

Lukas 1:29 Iomraidhean Croise

Matius 16:7

Kelinga in itu, séra memero-merot wo mengkung-kuanan a si esa wo sé walina, “En itu aicua-Na, ampa'paan kita ra'ica imaali roti.”

Lukas 1:12

Keséréna si malaékat itu, sia kumaya'ka' wo maindé'.

Lukas 1:28

Si malaékat itu mai meta'up wo si Maria am baléna wo icua i malaékat itu, “Siri' ai co si kinamang i Amang Kasuruan, Sia ka'i mewali-wali wo ico.”

Lukas 1:66

Wo pakasa sé tou iluminga in itu memero-merot an até, “Mamuali sapa si toyaang itu sa imawangkoo?” Ampa'paan si Amang Kasuruan mewali-wali wo sia.

Lukas 2:19

Taan andumoro' im pakasa sé aicua é gembala itu pakaéma'ke' i Maria an aténa wo pemero-merotenna.

Lukas 2:51

Wo si Yesus maréng a Nazaret mewali-wali wo sé matu'a-Na wo Sia menonou le'tek a sé matu'a-Na. Pakasa sé imamuali itu pakaéma'ke' i Maria an untep in aténa.

Kisah Para Rasul 10:17

Wo pemero-meroten i Petrus an untep in aténa sapa eng kaangéan in andumoro' im pinapaturu'an sé sinéréna itu. Ang karoro'an in itu, sé tou airu'du' i Kornelius aicateka'o am balé pakaloséran i Petrus, wo makatulungo an dior im papalen.

Kisah Para Rasul 10:4

Téintengen i Kornelius si malaékat itu wo ang karapi in indé' icuana, “Awéan sapa réén é Tuang?” Isowat i malaékat itu ai sia, “Pakasa en sombayangmu liningao i Amang Kasuruan wo sé aitawangmu a sé tou lengéi sinéré-Nao wo ko tina'néi-Nao.