Lukas 1:21 - En Taar Weru a nunuwu' é Tontemboan

²¹ Ang karoro'an i Zakharia an untep im Balé Le'nas, keli en tou ang kesot mengento-ento' sia. Séra memero-merot, kéitu sia uré-uréan an untep ing Kamar Le'nas.

Lukas 1:21 Iomraidhean Croise

Matius 27:5

Wo iwangkil i Yudas en doit pérak itu am Balé Le'nas. Wo itela'una en tampa itu wo sia mangé rumantong in owak.

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Lukas 1:20

En aicuaku anio' uli-ulit mamuali oka asi orasna. Taan ampa'paan ra'ica percayanmu en aicuaku anio', ico mawowo' oka, ra'io icaroma' akar en aicuaku anio' mamuali.”

Lukas 1:22

An tutuw i Zakharia kumesoto mai, sia ra'io icaroma' ai séra. Wo sia méé tuus ai séra maké ing kamana ampa'paan sia imawowoo. Keséré in itu, kakailekano éra sapaoka si Amang Kasuruan imapaturu'o ai sia an untep ing Kamar Le'nas.