Lukas 1:20 - En Taar Weru a nunuwu' é Tontemboan

²⁰ En aicuaku anio' uli-ulit mamuali oka asi orasna. Taan ampa'paan ra'ica percayanmu en aicuaku anio', ico mawowo' oka, ra'io icaroma' akar en aicuaku anio' mamuali.”

Lukas 1:20 Iomraidhean Croise

Markus 16:14

Ang kasiwakanna, si Yesus mapaturu' in owak-Na a sé sangapulu' esa murit-Na. An tutuw itu séra ang karoro'an i makan. Wo romaan-Na séra ampa'paan ing kaketéan in até éra wo ra'ica mercaya a sé tou sé isuméréo Sia itumou sumawel.

Markus 9:19

Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”

Lukas 1:19

Wo isowat i malaékat itu, “Yaku anio' si Gabriel si maselewir si Amang Kasuruan. Sia e rumu'du' mai yaku eng kumua in abar loor anio' ai co.

Lukas 1:21

Ang karoro'an i Zakharia an untep im Balé Le'nas, keli en tou ang kesot mengento-ento' sia. Séra memero-merot, kéitu sia uré-uréan an untep ing Kamar Le'nas.

Lukas 1:22

An tutuw i Zakharia kumesoto mai, sia ra'io icaroma' ai séra. Wo sia méé tuus ai séra maké ing kamana ampa'paan sia imawowoo. Keséré in itu, kakailekano éra sapaoka si Amang Kasuruan imapaturu'o ai sia an untep ing Kamar Le'nas.

Lukas 1:45

Pakakamangenko, ampa'paan pinercayamu sapa sé aicua i Casuruan ai co itu mamuali oka.”

Lukas 1:64

An tutuw ituke' si Zakharia ro'nao maroma' sumawel wo sia marayo-rayo si Amang Kasuruan.

Roma 3:3

Taan tambisa sa an uner éra awéané' sé ra'ica le'tek a si Amang Kasuruan? Anaé, tambisa eng kale'tekkan i Amang Kasuruan asi janji-Na ai séra itu batalen-Na?

2 Timotius 2:13

Mandé kita ra'ica le'tek, Sia kasake' tuu le'tek, ampa'paan sapa en aicua-Na ra'ica kawisa sangkalen-Na.”

Titus 1:2

Ra'ipé' niéma' i Amang Kasuruan eng kayo'baan, Sia ijumanjio sapaoka Sia méé oka mai ing katouan akar ing kauré-uré a sé im pakasa in tou. Wo en janji-Na itu tantu mamuali, ampa'paan Sia ra'ica kawisa tumowo. Wo ampa'paano im paarapen in janji e makéré ing katouan akar ing kauré-uré siituo em patuuran im pasusuiku a sé tou maéman.

Ibrani 6:18

Anaé, si Amang Kasuruan imééo in janji wo in sumpa-Na. Sé rua itu ra'ica kawisa maroba, ampa'paan si Amang Kasuruan ra'ica kawisa tumowo. Ampa'paan in ituo, kita sé mengaéré in loindongen i Amang Kasuruan, makéré ing kaincayaan keter e mauli-ulit tumimboi im paarapen si an diorta.

Wahyu 3:19

Sé tou sé icaupus-Ku, sérao sé romaan-Ku wo samboken-Ku. Ampa'paan in itu maincaya'o mangé sumawel wo mape'diso.