Lukas 1:17 - En Taar Weru a nunuwu' é Tontemboan

¹⁷ Wo isia en dior maai wo si Casuruan en tumu'tul in lalan em paaian i Casuruan. Em perina wo eng kawasana sa, meputé wo si nabi Elia indior. Wo sia maai e méma' sé ama-amang meeluran wo sé toyaang éra wo sé tou ra'ica le'tek a si Casuruan maréng sumawel maéma' im butul an dior i Casuruan. Tanu siituo si Yohanes tumu'tul in até é tou en sumungkul si Casuruan maai.”

Lukas 1:17 Iomraidhean Croise

Matius 11:14

Aicuao é nabi indior sa si Elia maai oka sumawel ang kayo'baan anio'. Wo sa icasalé' iow mercaya en aicua é nabi itu, si Yohanes ituo si Elia si maai oka.

Matius 14:4

Ampa'paan asi témpo itu si Herodes peroma-romaan i Yohanes in tana'i, “Ra'ica loor ko mindo si Herodias!”

Matius 3:3

En ulitna si Yohanes anioo si tou si aicuao i nabi Yesaya indior tana'i, “Awéan oka tou mengangko-ngangko' an tana' kapayasan, ‘Tu'tuleno en lalan torona i Casuruan, wo rondoren en lalan langkoian-Na.’ ”

Matius 3:4

Si Yohanes mapaké in juba niéma' am buuk i onta owo, em bengkalna niéma' ang kulit i binatang owo. Eng kakanenna komong wo wiluk é lampéran in talun.

Lukas 1:16

Kelian sé tou Israel akinenna oka e maréng sumawel maéman a si Amang Kasuruan, si Casuruan éra.

Lukas 1:76

Wo ico é Yohanes, toyaangku, ico patuulen oka é tou nabi i Amang Kasuruan Si Rumangka-rangka', ampa'paan ko rumior oka mai wo si Casuruan en tumu'tul in até é tou en tumerima Sia.

Yohanes 1:13

Séra mamuali toya-toyaang i Amang Kasuruan ra'ica ampa'paan é matu'a éra, kuma'pa im basa wo ing kasalé'an i tou. Taan si Amang Kasuruan in esa e méma' iséra mamuali toya-toyaang-Na.

Yohanes 1:34

Sinérékuo in esa, anaé yaku méé ing kasairian sapaoka Siao si Toyaang i Amang Kasuruan.”

Yohanes 3:28

Liningao miow in esa sé ipengakuaku indior sapaoka aku ra'ica si Mesias si aijanjio i Amang Kasuruan, taan aku ayutus rumiorai ai Sia wosama' tumu'tul in lalan wayaan-Na.

Kisah Para Rasul 10:33

Ampa'paan in ituo makala'us ru'du'ku tou mangé sumungkul si tuang. Wo si tuang mayo am bia'i ang karapi in arui en até. Intarépé', kami im baya am bia'io an dior i Amang Kasuruan, lingan amipé' sapa en aiperénta-Na a si tuang.”

Roma 9:23

Sia talesen ai séra wosama' Sia ro'na tumuru' ing kawangko' i rarayo wo in sisiri'-Na a sé tou icaupus-Na, sé aitu'tul-Nao indioré' owo a sé tou en tumerima in itu.

Kolose 1:12

wo makua ka'i mangé i makapulu'sama' a si Amang, si Amang Kasuruanta ang karapi in arui, ampa'paan Siao e méma' icamu patus makéré im bagéan ang kakolanoan in sendot-Na si aitu'tul-Nao a sé tou le'nas.

2 Timotius 2:21

Taniitu ka'i wo sé tou maéman. Sa awéan tou mento' maéma' ing kaléwo-léwo'an, sia asalo pengapakén i Casuruan asé tawo-tawoien loor. Émaan i Casuruan en até i tou itu male'nas. Si Casuruan arui maké isia ampa'paan sia ka'i tu'tul mengaéma' pakasa in tawoien loor.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

Wahyu 20:4

Kekawus in itu sérénku em palukutan pasiri-siriin, wo sé makalukut am bawona. Séra winéan kawasa e makim. Wo sérénku ka'i sé mu'kur é tou sé imaté pinokolan in do'kos ampa'paan mengasairi in andumoro' i Yesus wo ka'i mengakua in Taar i Amang Kasuruan. Séra sé tou sé ra'ica makuru en sumiri' a si binatang itu wo im patongna, wo ra'ica tumerima in tuusna an tuintung wo ang kama éra. Séra itu tinou sumawel wo merénta mewali-wali wo si Kristus sangariwu ngata'un eng kauréna.