Kolose 4:3 - En Taar Weru a nunuwu' é Tontemboan

³ Wo isombayang ka'i mangé kami wosama' wukaan-Na mai en lalan ai cami eng kumua in abar si indior aicaenepé' andumoro' i Kristus. Ampa'paan i méma' in itu akar aku ayuntep am bui.

Kolose 4:3 Iomraidhean Croise

Matius 13:11

Isowat i Yesus, “Si Amang Kasuruan imééo mai ing kamang tatambér ai camu e makailek in sususuien sé icaenepé' andumoro' ing Kakolanoan in Sorga, taan ai séra ra'ica.

Kisah Para Rasul 14:27

Icatéka' mangé an Antiokhia, towan éra sé jamaat e maumung. Wo sisil éra in dua pakasa sé niéma' i Amang Kasuruan ai séra. Sisil éra ka'i tambisa si Casuruan muka' in lalan akar sé tou ra'ica Yahudi ro'na maéman a si Yesus.

Roma 16:25

Irayoo mangé si Amang Kasuruan! Siao e ro'na méma' im paémanen iow makaketer tanu en aituru' an Abar Kaaruien andumoro' i Yesus Kristus si pakua-kuaku. En Abar Kaaruien itu pengakuaku kiit in aituru' i Amang Kasuruan si paene-enep-Na tumo'tolai indior.

1 Korintus 16:9

ampa'paan keli en témpo loor eng kumua in Abar Kaaruien andumoro' i Yesus Kristus am bitu, mandé ka'i kelian tou masundur yaku.

1 Korintus 4:1

Poo-poow, anggapeno mai kami tou sé matawoi maselewirke' a si Kristus, sé tinokéan makua in abar andumoro' im pawasa-wasan i Amang Kasuruan en lumowir sé tou. Em pawasa-wa- san itu ra'ipé' kailekan é tou walina.

2 Korintus 2:12

An tutuwku icateka'o mangé an Troas eng kumua in Abar Kaaruien andumoro' i Yesus Kristus, kinaséréankuo sapaoka si Amang Kasuruan imuka'o in lalan a yaku en sumelewir am bitu.

Efesus 3:1

Yaku Paulus binui ampa'paan makua in Abar Kaaruien andumoro' i Yesus Kristus ai camu tou ra'ica Yahudi.

Efesus 3:3

Si Amang Kasuruan in esa en icumua a yaku andumoro' im pawasa-wasan-Na sé aicaenepé', tanu si aipaticku asi suratku anio' mandé ka'i ing kolekke'.

Efesus 3:4

Sa binacao miow si aipaticku itu, ro'nao kaangéan iow sapa sé kinailekankuo andumoro' im pawasa-wasan i Amang Kasuruan andumoro' i Kristus.

Efesus 3:9

wo tumuru' im pawasa-wasan i Amang Kasuruan a sé pakasa in tou. Em pawasa-wasan-Na itu maatu-atus ngata'un eng kauréna si ayenep-Na si méma' im baya-waya.

Efesus 4:1

Yaku Paulus si binui ampa'paan maselewir si Casuruan, sina'- uenku kamu sé tinowao i Amang Kasuruan wosama' kamu menonou kumiit in totowa itu.

Filipi 1:19

ampa'paan kailekanku sapaoka maai oka en témpona aku icesot am bui, ampa'paano im penomba-nombayang iow wo ka'i en tatawang i Roh i Yesus Kristus a yaku.

Filipi 1:7

Mémang patuso aku méé i makapulu'sama' in taniitu andumoro' icamu im baya, ampa'paan icamu im baya an atékuo. Wo ka'i kamu imamualio kara-karapi an tawoien si aitambérai i Amang Kasuruan a yaku. Kamu ra'ica mento' matawang yaku, mandé ka'i yaku am bui kuma'pa an tutuwku mengakua im pembélaan e méé tuus a sé tou sé ra'ica mapercaya in Abar itu, sapaoka en Abar Kaaruien si pakuaku itu wutul.

Kolose 1:26

En Taar-Na itu indior aicaenepé' asé im pakasa é tou maatu-atus ngata'un eng kauréna, taan intarépé' aipapaturu'o i Amang Kasuruan a sé tou le'nas.

Kolose 4:18

Yaku Paulus ka'i méé mai in siri' ai camu. En siri' anio' yaku in esa e matic. Ta'néien iow angé sapaoka aku an untepé' im bui! Isombayangku sa woo ro'na en upus aitambér i Amang Kasuruan mewali-wali wo icamu.

1 Tesalonika 5:25

Poo-poow, pangileken ami ai camu isombayang angé kami.

2 Timotius 1:16

Taan wayake' si Onesiforus si ra'ica taniitu. Pangilekenku wosama' si Casuruan méé mai ing kaupusan-Na a si Onesiforus wo sé pamaléna, ampa'paan sia tatap mengéma-ngéma' yaku arui. Sia ka'i ra'ica malawi' mengaai a yaku, mandé ka'i aku am bui.

2 Timotius 2:9

Ampa'paano aku makua in Abar Kaaruien itu, yaku pengaokoien é tou, pengawa'kesen éra i ranté tanuoka tou léwo', taan en taar i Amang Kasuruan ra'ica toro kawa'kesan.

2 Timotius 4:2

icuamuo mangé en Taar i Casuruan a sé tou, loor kuma'pa ra'ica loor en orasna, ko musti tu'tul e mengua-ngua in Taar itu. Sina'ueno mangé sé tou mengaéma' ing kameséaan, romaan angé séra ang karapi wuta ing katalesenan an tutuw ko mengasusui iséra.

Filemon 1:22

Wo ka'i tu'tulio' tampa en loséranku am balému, ampa'paan aku maarap, en somba-sombayang iow sowaten i Amang Kasuruan wosama' yaku ro'na maréng angé sumawel ai camu.