Ibrani 8:2 - En Taar Weru a nunuwu' é Tontemboan

² Sia maéma' in tawoien-Na tanu Imam Wangko' asi tampa le'nas, siituo si ténda aseli si winangun i Amang Kasuruan in esa ra'ica winangun é tou.

Ibrani 8:2 Iomraidhean Croise

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Roma 15:8

Ta'néiku ai camu sapaoka si Kristus imayo ang kayo'baan en sumelewir a sé tou Yahudi en tumuru' sapaoka uli-ulit émaan i Amang Kasuruan sé aijanji-Na a sé apo-apo'ta.

2 Korintus 5:1

Kailekan ami sa en ténda paento'anta, siituo en owakta, ang kayo'baan anio' tongkaren wo icita sinadiaano i Amang Kasuruan esa walé an sorga. Em balé itu ra'ica niéma' ing kama in tou, wo tumang akar ing kauré-uré.

Kolose 2:11

Wo kamu sé meesao wo si Kristus, kamu itu tanu sinunato. Wo en sunat itu ra'ica sunat e niéma' é tou, taan en sunat si niéma' i Kristus, ampa'paan em peri ing kamesé-meséaan an owak iow pinokolo i Kristus.

Ibrani 10:11

Indior si esa wo si esa imam mengaéma' in tawoienna susur in endo wo menguri-nguri mengawéé binatang pinokol si meputé a si Amang Kasuruan. Wo em iparagés pawéé éra itu, ra'ica toro misi ing kamesé-meséaan é tou.

Ibrani 10:21

Wo kita intarépé' makaanuo Imam Wangko' si tinokéan en tumu'tul im Balé i Amang Kasuruan.

Ibrani 11:10

Si Abraham ro'na talesen menonou taniitu ampa'paan sia ang karoro'an i maento-ento' ing kota makapandasi keter, si kota itu pawasa-wasano wangunen i Amang Kasuruan.

Ibrani 9:1

Asi perjanjian kataré si niéma' i Amang Kasuruan ang karapi é tou Israel, awéan atoran-atoran andumoro' i mengaapo' wo im paapo'an le'nas si niéma' in tou.

Wahyu 21:3

Wo kalingaanku en suara taangko' keli am palukutan pasiri-siriin itu makua, “Séréno! Intarépé' em paento'an i Amang Kasuruan an unero é tou. Sia mai oka mento' mewali-wali wo iséra, wo séra mamuali oka tou-Na. Sia in esa mewali-wali oka wo iséra, wo mamuali Amang Kasuruan éra.