Ibrani 5:1 - En Taar Weru a nunuwu' é Tontemboan

¹ Susur i imam wangko' si sinisir an uner é tou, sia niangkai en sumelewir a si Amang Kasuruan mamuali kasawel é tou. En tawoienna mengawéé i raragés binatang pinokol wo raragés walina a si Amang Kasuruan ampa'paan ing kamesé-meséaan.

Ibrani 5:1 Iomraidhean Croise

Ibrani 8:3

Susur imam wangko', aitantu e méé i raragés binatang pinokol wo raragés walina. Taniitu ka'i wo si Yesus Imam Wangko'ta, Sia musti makaanu sapa sé ro'na iragés.

Ibrani 10:11

Indior si esa wo si esa imam mengaéma' in tawoienna susur in endo wo menguri-nguri mengawéé binatang pinokol si meputé a si Amang Kasuruan. Wo em iparagés pawéé éra itu, ra'ica toro misi ing kamesé-meséaan é tou.

Ibrani 11:4

Ampa'paan si Habel awéan paémanen, sia méé raragés binatang pinokol asi Amang Kasuruan sé lumoorai wo i raragés aiwéé i Kain. Ampa'paan si Habel awéan paémanen, akar sia tinerima i Amang Kasuruan tanu tou si nianggap wutul wo e raragés aiwééna tinerima i Amang Kasuruan. Mandé si Habel uréo imaté, taan ampa'paan im paémanenna, sia tanu maroma'pé' ai cita akar intarépé'.

Ibrani 9:9

En itu tanu andéan ai cita sé menonou asi oras anio': raragés binatang pinokol wo raragés walina si aiwéé a si Amang Kasuruan, ra'ica ro'na méma' in até weresi é tou mamuali lekep ampa'paan e méé im paragés itu.

Ibrani 7:27

Si Yesus ra'ica meputé wo sé imam wangko' walina, si susur in endo musti meméé-méé i raragés binatang pinokol torona ing kamesé-meséaan éra in esa wo ka'i torona ing kamesé-meséaan é tou éra. Sia iméé i raragés makasake' torona ing kauré-uré, an tutuw-Na irumagés in owak-Na in esa.

Ibrani 2:17

Ampa'paano in itu am baya-waya si Yesus musti mamuali kaputé é poo-poow-Na. Wo in taniitu, Sia ro'na mamuali Imam Wangko' si mengaturu' ing kaupusan a sé tou wo Sia le'tek mengaselewir a si Amang Kasuruan. Ang karapi im pakaselewir-Na tanu Imam Wangko', eng kamesé-meséaan é tou ro'na kaampungan.

Roma 15:17

Anaé, ro'na aku rumayo in owak andumoro' in tawoienku torona i Amang Kasuruan ampa'paan aku meesao wo si Kristus Yesus.

1 Korintus 15:3

Aicuakuo ai camu en abar si kumataré-taré, abar sé tinerimaku in esa, sapaoka si Kristus matéo wosama' eng kamesé-meséaanta tu'busen-Na, tanu si aipatic ang Kitap Le'nas.

Ibrani 8:4

Sa Sia ang kayo'baan, tantu Sia ra'ica mamuali imam, ampa'paan ang kayo'baan awéano sé imam mengawéé i raragés iciit in atoran an ukum Torat.

Ibrani 10:12

Taan si Kristus si Imam Wangko'ta méé in owak-Na pinaté makasake' torona ing kaampungan ing kamesé-meséaan akar ing kauré-uré. Kumawus in itu Sia lumukut ang kakan i Amang Kasuruan.