Filipi 3:2 - En Taar Weru a nunuwu' é Tontemboan

² Mareti-retio mangé kamu a sé tou sé mengaéma' in léwo', sé patus patuulen asu wo sé malesé' sé tou maéman a si Kristus en sunaten.

Filipi 3:2 Iomraidhean Croise

Matius 24:10

Wo asi témpo itu, keli en tou sé maéman, ra'io ka'i maéman a Yaku. Séra mengking-kianatan wo mengkasuutan.

Matius 7:15

“Maténga-téngamo mangé a sé nabi ra'ica wutul. Séra maai ai camu tanuoka domba, taan en ulitna séra itu serigala léwo'.

Matius 7:6

Tioo kamu mengakua in Taar i Amang Kasuruan a sé tou sé ra'ica kiim tumerima, en itu putéke' kamu méé im barang le'nas a si asu kuma'pa mangkil i mutiara a sé wawi. Pakasa en itu ipeléa-léak éra oka wo sumali'si' kumarét icamu.”

Roma 2:28

Ampa'paan, sé wutu-wutul patuulen tou Yahudi, ra'ica ampa'paan ketounake' mai mamualio tou Yahudi. Wo sé wutu-wutul patuulen sunat, ra'ica ampa'paan sia itu wutu-wutul sinunato.

2 Korintus 11:13

Ampa'paan sé tou tanu siitu, sérao sé ruru'du'an ra'ica wutul. Séra matawoi mauwak ang karapi i mengaéma' in owak tanuoka woo ruru'du'an i Kristus.

Galatia 5:13

Poo-poow, kamu tinowao i Amang Kasuruan mamuali tou sé ra'io ka'i pakakawasan in ukum Torat. Taan tioo pakén iow eng kaloasan itu imamuali alasan i menonou ang kamesé-meséaan. Taan aweso taré kamu si esa wo sé walina mensen-selewirano mangé ang karapi in upus.

Galatia 5:15

Taan kamu ra'ica toro tanuoka sé binatang mengkang-karétan wo menlo'-lo'motan. Mareti-retio wosama' kamu ra'ica mempatéan.

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

1 Timotius 1:19

Ico ka'i musti tatap maéman a si Apo' Yesus karapi in até weresi wo le'nas. Ampa'paan awéan tou ra'io mengakiit in até weresina akar em paémanen éra materi.

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

2 Petrus 2:22

Séra itu kaputé wutul in andéan anio' si cumua tana'i: “Si asu kuman sumawel sé aipelua'na wo si wawi linelé'o, mangéke' memilé-miléi sumawel in owakna am pake'bo'an.”

Yudas 1:4

Icuaku in taniitu, ampa'paan awéan tou sé sumolisipo mai an uner iow. Séra itu sé tou ra'ica makiit in lalan i Casuruan. Séra itumerimao in upus aitambér i Amang Kasuruan taan ra'ica pengakiiten éra eng kasalé'an-Na, wo isuméa' mengapaké in upus aitambér-Na itu wosama' ro'na isalu éra eng kasalé'- an in owak éra sé ra'ica loor. Wo ka'i ra'ica pangakun éra sapaoka wayake' si Yesus Kristus si Makakawasa wo Apo'ta. Sé tou tanu isérao sé indioré'wo aitantuo makéré oka in ukuman.

Wahyu 2:9

Kailekan-Ku eng kasusaan iow wo eng kalengéian iow, taan am beren i Casuruan kamu siya'. Kailekan-Ku ka'i e ngaran iow pengawuruken é tou sé mangaku séra tou Yahudi. Taan en ulitna séra ra'ica tou i Amang Kasuruan taan séra itu jamaat i kikiiten é sétang.

Wahyu 21:8

Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”

Wahyu 22:15

Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.

Wahyu 3:9

Séréno! Pira-piraan tou asé jamaat i kikiiten é sétang, sé matuul in owak éra tou Yahudi, taan en ulitna ra'ica taniitu, séra itu kotowo. Émaan-Ku oka séra itu mai wo kumundu an dior ing kécéi miow, wo kakailekan oka éra sapaoka kamu icaupus-Ku.