Filipi 2:2 - En Taar Weru a nunuwu' é Tontemboan

² Anaé, émaano mai en atéku wutu-wutul mendam in arui, ang karapi iméma' in tana'i; menonou angé kamu ang karapi in esa até, esa upus, esa wewerot wo esa en angéan.

Filipi 2:2 Iomraidhean Croise

Yohanes 3:29

Ang kinawéngan, si pengantén tuama makaanu si pengantén wéwéné. Wo si karapi i pengantén tuama si makatulung an duruna arui tutuw sia luminga in suarana. Taniitu ka'i mai wo yaku si Yohanes, intarépé' aku mendam in arui keli ampa'paan keli tou mai a si Yesus.

Kisah Para Rasul 1:14

Séra im baya le'tek mengali'us wo meesa en até mengasombayang. Séra mengasombayang mewali-wali wo sé piraan wéwéné ang karapi i Maria inang i Yesus wo sé poo-poow i Yesus.

Kisah Para Rasul 2:1

An tutuw imayo an endo wangko' Pentakosta, pakasa sé tou maéman mali'us an esa walé an Yerusalem.

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

Kisah Para Rasul 5:12

Asi témpo itu, kelian tuu-tuus wo kakaya'kaan sé niéma é ruru'du'an an uner é tou keli. Wo pakasa sé tou maéman meesa en até wo tatap mali'us an Lésar Salomo am Balé Le'nas.

Roma 12:16

Menonouo mangé kamu meesa en até wo esa wewerot a si esa wo si esa. Tioo kamu mengarangka' in owak, taan mekarapio mangé wo sé tou ipawawa-wawa'. Wo tioo maanggap in owak iow si pinter keli!

1 Korintus 1:10

Poo-poowku! Pekiupusenku ang karapi i ngaran i Apo'ta Yesus Kristus, wosama' kamu im baya esa nunuwu'. Tioo awéan papetanéan an uner iow, aweso taré kamu meesa en até wo esa em bewerot.

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

2 Korintus 2:3

An tutuw aku matic in suratku indior, kamu rinomaanku. Wo in taniitu sa aku maai sumawel ai camu ang Korintus, yaku ra'ica mawendu. Icamuo e musti maarui yaku. Ampa'paan percayanku sapaoka sa aku arui kamu ka'i arui.

2 Korintus 7:7

En até ami kinaiboran ampa'paan isumeréo si Titus, wo kami lébé maibor ka'i ampa'paan aicuana sapaoka en aténa maibor ampa'paan icamu. Aicuana ai cami sapaoka kamu lumeloo keli meta'up wo yaku, kamu ka'i maneselo asé pinengaéma' miow indior wo intarépé' rumaméji méla yaku. Pakasa en itu méma' yaku lébé arui.

Filipi 1:4

Wo susurku in sumombayang torona icamu im baya, ipasombayangku ang karapi in arui en até.

Filipi 2:16

Ang karoro'an in itu turu'o miow ka'i ai séra en Taar si mawéé ing katouan. Wo in taniitu an tutuw i Kristus maai sa, yaku ro'na tumirayo ampa'paan pakasa sé pinaraméjianku a si tawoienku ra'ica mara'i-ra'i wo sé pinala'lé-la'léanku mai awéan en torona.

Filipi 2:20

Ra'ica wana tou tanu si Timotius, si esa até wo esa wewerot wo yaku. Sia wutu-wutul mawéé rékén ing katoronaan iow.

Filipi 4:2

Euodia wo Sintikhe, yaku uli-ulit mekiupus ai camu, wosama' icamu maesao en até wo esa wewerot ampa'paan imeesa wo si Apo' Yesus.

Kolose 2:5

Ampa'paan mandé ka'i aku ra'ica an uner iow taan en atéku kasake' ang karapi miow. Wo aku arui an tutuw luminga sapaoka kamu menonou mensan-samaan si esa wo sé walina wo em paémanen iow a si Kristus kasake' keter.

2 Tesalonika 2:13

Poo-poow sé icaupus i Casuruan! Kami mengua-ngua i makapulu'sama' a si Amang Kasuruan andumoro' icamu, ampa'paan sinisir-Nao kamu asi kataré-taré en lowiren. Wo eng kalowiran itu mamuali ai camu, ampa'paan tatawoi i Roh Le'nas, si lume'nas icamu wo ampa'paan kamu maéman in sususuien wutul i Amang Kasuruan.

2 Timotius 1:4

Sa aku makata'néi asi endo ilumangkoi, ico imaamé' an tutuwta in dua mentalicuran, siituo aku masalé' woo meta'up sumawel wo ico wosama' aku arui keli.

Filemon 1:20

Éi Filemon poowku an esa paémanen, an témponao émaanmu sé pinangilekku ai co. Aruieno mai en atéku ampa'paan im paesaanta a si Kristus.

2 Yohanes 1:4

Yaku arui keli ampa'paan kinailekankuo sapaoka awéané' sé toyaang i inang e menonou makiit in sususuien wutul, meputé wo si aiperénta i Amang ai cita.

3 Yohanes 1:4

Sa iciit yaku, ra'ica wana e ro'na méma' in atéku lébé arui aluar yaku luminga sapaoka sé toyaangku menonou makiit in sususuien i Amang Kasuruan.