Filipi 1:4 - En Taar Weru a nunuwu' é Tontemboan

⁴ Wo susurku in sumombayang torona icamu im baya, ipasombayangku ang karapi in arui en até.

Filipi 1:4 Iomraidhean Croise

Markus 5:5

Endo wo em bengi sia mawaya-waya' am pakuburan wo an tola-tolaina, ang karoro'anna i mengangko-ngangko' en owakna peméla-pemélaanna im batu.

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Lukas 15:7

Icua-Ku ai camu, taniitu ka'i pakasa sé a mangé en sorga séra maaru-arui oka sa awéan esa tou ang kamesé-meséaan mape'dis. Séra lébé arui ampa'paano i esa tou si mape'diso itu, wotaré sé siow ngapulu' siow tou sé mengaéma'o im butul sé ra'io sangali mape'dis.”

Roma 1:9

Kamu ipenomba-nombayangku wo si Amang Kasuruano en sairi sapaoka aku uli-ulit mengasombayang torona miow. Siao si Amang Kasuruan si pengaselewiranku ang karapi in lekep en até an tutuwku mengakua in Abar Kaaruien andumoro' i Toyaang-Na.

Filipi 2:2

Anaé, émaano mai en atéku wutu-wutul mendam in arui, ang karapi iméma' in tana'i; menonou angé kamu ang karapi in esa até, esa upus, esa wewerot wo esa en angéan.

Filipi 3:18

Icuaku in taniitu, ampa'paan awéan e mangémai akar en atéku wendu keli. Tanu sé makakeli-kelio aicuaku ai camu ang karapi i maamé', ita'néiku ai camu sapaoka intarépé' keli tou imangaku séra makiit si Kristus, taan séra ra'ica menonou makiit in sususuien i Kristus si maté ang kayu salip en tumu'bus ing kamesé-meséaanta!

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

Kolose 2:5

Ampa'paan mandé ka'i aku ra'ica an uner iow taan en atéku kasake' ang karapi miow. Wo aku arui an tutuw luminga sapaoka kamu menonou mensan-samaan si esa wo sé walina wo em paémanen iow a si Kristus kasake' keter.

1 Tesalonika 1:2

Kami kumua i makapulu'sama' a si Amang Kasuruan ampa'paan icamu im baya, wo kamu ka'i ipasombayang ami.

Filemon 1:7

Poowku Filemon, ico mengaupuso sé tou le'nas akar séra kinaiborano in upusmu. Ampa'paano in itu yaku arui keli.

2 Yohanes 1:4

Yaku arui keli ampa'paan kinailekankuo sapaoka awéané' sé toyaang i inang e menonou makiit in sususuien wutul, meputé wo si aiperénta i Amang ai cita.