Filemon 1:7 - En Taar Weru a nunuwu' é Tontemboan

⁷ Poowku Filemon, ico mengaupuso sé tou le'nas akar séra kinaiborano in upusmu. Ampa'paano in itu yaku arui keli.

Filemon 1:7 Iomraidhean Croise

1 Korintus 16:18

Sérao sé kumeter in atéku, meputé wo séra icumetero in até miow. Wo sé tou tanu siitu musti siriin iow.

2 Korintus 7:13

Ampa'paan in ituo en até ami maibor. Wo ka'i kami arui keli ampa'paan makaséré ing kaaruian in até i Titus.

2 Korintus 7:4

Yaku uli-ulit mercaya icamu. Wo ka'i kamu uli-ulit iparayoku! Mandé ka'i kelian eng kawenduan pinendam ami mai, en atéku kinaiboran keli ampa'paan icamu. En atéku uli-ulit arui.

1 Tesalonika 1:3

Susur ami sumombayang a si Amang Kasuruan Amangta, pena'né-na'néien ami em pakaselewir iow ampa'paan kamu maéman a si Yesus. Kata'néian ami tambisa kamu maselewir a sé tou walina ampa'paan séra icaupus iow. Kata'néiané' ami mandé ka'i kamu talesen meta'up ing kawenduan, pengaraméjin iow mengaéma' sé loor ampa'paan maara-arapke' a si Yesus Kristus Apo'ta.

1 Tesalonika 2:13

An tutuw ipakua ami en taar i Amang Kasuruan, tinerimao miow en itu tanu nunuwu' i Casuruan ra'ica nunuwu' é tou. Wo en aisowat iow itu wutul, ampa'paan en taar i Amang Kasuruan itu ang karoro'ano i matawoi ang katouan iow sé maéman a si Apo' Yesus. Ampa'paan in ituo kami mengua-ngua i makapulu'sama' ai Sia.

1 Tesalonika 2:19

Kami maangé ai camu, ampa'paan icamuke' e mamuali arapan wo kaaru-aruian ami. Anaé, sa si Yesus Apo'ta itu imayo sumawel tantu kita sumaru Sia wo icamuo itu e mamuali kaaru-aruian ami an dior-Na.

1 Tesalonika 3:9

Kami wutu-wutul arui ampa'paan kamu kasake' maéman a si Amang Kasuruan. Ampa'paan in ituo kami kumua i makapulu'sama' ai Sia ampa'paan ing kaaruian ami itu.

2 Timotius 1:16

Taan wayake' si Onesiforus si ra'ica taniitu. Pangilekenku wosama' si Casuruan méé mai ing kaupusan-Na a si Onesiforus wo sé pamaléna, ampa'paan sia tatap mengéma-ngéma' yaku arui. Sia ka'i ra'ica malawi' mengaai a yaku, mandé ka'i aku am bui.

Filemon 1:20

Éi Filemon poowku an esa paémanen, an témponao émaanmu sé pinangilekku ai co. Aruieno mai en atéku ampa'paan im paesaanta a si Kristus.

2 Yohanes 1:4

Yaku arui keli ampa'paan kinailekankuo sapaoka awéané' sé toyaang i inang e menonou makiit in sususuien wutul, meputé wo si aiperénta i Amang ai cita.