Filemon 1:19 - En Taar Weru a nunuwu' é Tontemboan

¹⁹ Yaku Paulus, kamakuo in esa e matic in anio': “Yaku oka en tumu'bus pakasa in utang i Onesimus.” Wo ra'io sangali ita'néiku sapaoka ko awéan utang a yaku e makawali ico makéré ing katouan weru an tutuw ko mamualio tou maéman.

Filemon 1:19 Iomraidhean Croise

Roma 16:22

Si matic in surat i Paulus anio' yakuo si Tertius, yaku ka'i méé in siri' ai camu ang kerapi ingaran i Casuruan.

1 Korintus 4:15

Yaku anio' tanu amang iow, ampa'paan yakuo eng kataré-taré mai sumusui in Abar Kaaruien andumoro' i Yesus Kristus ai camu. Mandé ka'i mariwu-riwuo eng kakeli sé masusui ai camu andumoro' i Kristus, si amang iow wayake' in esa.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 3:2

Icamuo in esa en surat kaloasan ami sé ipatic an untep in até ami wo sé ro'na kakailekan wo kabacaan é pakasa in tou.

2 Korintus 9:4

Ampa'paan sa awéan tou a Makedonia kumiit ang karapiku maai ai camu sa, wo sérén éra sapaoka kamu ra'ipé' tu'tul, kami e malawi'. Ampa'paan aicua amio ai séra sapaoka kamu wutu-wutul percayan ami. Wo kamu ka'i in esa e malawi'.

Galatia 5:2

Wéan rékén sumama-sama'! Yaku Paulus kumua in tana'i ai camu: Sa kamu méé in owak en sunaten wosama' nianggap wutul an dior i Amang Kasuruan, sapa si niéma' i Kristus ai camu ra'ica wana en torona.

Galatia 6:11

Séréno sumama-sama' en uru-urup sela anio'. Yakuo si matic im bagéan anio' maké ing kamaku in esa.

1 Timotius 1:2

Ico é Timotius uli-ulit toyaangku am paémanen. Pangilekenku a si Amang Kasuruan wo si Kristus Yesus Kasuruanta, tumambérai ing kamang, tumuru' mai ing kaupusan wo méma' ing katouanmu elur.

Titus 1:4

Éi Titus, ico nianggapkuo toyaangku in esa, ampa'paan kita in dua puté maéman a si Kristus Yesus. Pekiupusenku a si Amang Kasuruan wo si Kristus Yesus Lumolowirta tumambérai in upus wo ing kaeluran ai co.

Filemon 1:18

Sa sia méma'o ing kaséaan kuma'pa awéan utang ai co, yuntepo mio' waya en itu an tanggonganku.