Filemon 1:14 - En Taar Weru a nunuwu' é Tontemboan

¹⁴ Taan sa ra'ica énanmu, ra'- ica kiimku méma' in sapa-sapa wosama' eng kalooran émaanmu ra'ica ampa'paan pinelesé' taan émaanmu eng kalooran itu ang karapi lekep en até.

Filemon 1:14 Iomraidhean Croise

1 Korintus 9:17

Wo sa émaanku en tawoien makua in Abar Kaaruien andumoro' i Yesus Kristus asalo ampa'paan ing kasalé'anku in esa, yaku patus makéré laasa. Taan aku makua in Abar Kaaruien itu ampa'paan en itu musti émaan. Si Amang Kasuruan e méé in tawoien en émaanku.

1 Korintus 9:7

Ra'ica wana suraro mangé merang wo sia in esa e mongkos im paperlunna. Wo ra'ica wana tou menganguma musew in anggor an umana wo ra'ica maarap kuman im bua'na in umana. Wo ra'ica wana tou sé matéir sé domba wo ra'ica maarap melep in susu é domba patéiranna itu.

2 Korintus 1:24

Kami ra'ica ilumesé' icamu sapa sé musti émanen iow. Taan kami asalo tumawoi mewali-wali wo icamu wosama' kamu makaaru-arui. Émaan ami taniitu ampa'paan em paémanen iow ketero.

2 Korintus 8:12

Sa kita mawéé ang karapi in lekep en até, teriman oka i Amang Kasuruan sapa sé aiwééta kiit ing kawooanta. Ampa'paan si Amang Kasuruan ra'ica kawisa mako tumuntut ai cita e méé si ra'ica kawooanta.

2 Korintus 9:5

Ampa'paan in ituo pawerotenku perlu mutus angé telu poow rumior angé a yaku. Tawangen oka éra kamu en tumu'tul in doit tatawang si aijanjio miow, wosama en doit tatawang itu tinu'tulo an tutuw ami imayo. Wo in taniitu, en doit tatawang iow itu wutu-wutul mamuali wéwéé ang karapi lekep en até wo ra'ica pinalesé'.

2 Korintus 9:7

Sa woo ro'na si esa wo si esa tou musti musé' an até e mengawéé. Tioo manesel mengawéé kuma'pa ampa'paan pinelesé'. Ampa'paan si Amang Kasuruan mengaupus sé tou sé mengawéé ang karapi in arui en até.