Filemon 1:1 - En Taar Weru a nunuwu' é Tontemboan

¹ En surat anio' a yaku owo Paulus, si binui ampa'paan makua in abar andumoro' i Kristus Yesus wo asi Timotius owo poowta an esa paémanen. En surat anio' aipatic ami wo iwéé ai co Filemon si caupus ami, si katawoi ami,

Filemon 1:1 Iomraidhean Croise

Kisah Para Rasul 16:1

Si Paulus mangé ka'i an Derbe wo melala'us an Listra. A mangé mbitu, awéan esa tou makangaran Timotius, sia anio' tou makiit a si Yesus. Si inangna tou Yahudi si maémano a si Yesus wo si amangna tou Yunani.

1 Korintus 3:9

Ampa'paan kami in dua sé matawoi mewali-wali wo si Amang Kasuruan wo kamu tanuoka in uma i Amang Kasuruan wo ka'i tanuoka im balé-Na.

2 Korintus 1:1

En surat anio' a yaku owo, Paulus si mamuali ruru'du'an i Yesus Kristus kumiit ing kasalé'an i Amang Kasuruan. En surat anio' aipaticku mewali-wali wo si Timotius poowta an esa paémanen. En surat anio' aicirim ami a sé jamaat i Amang Kasuruan ang Korintus, wo ka'i a sé tou le'nas an Akhaya.

Galatia 3:26

Kamu im baya imamualio toya-toyaang i Amang Kasuruan ampa'paan maéman a si Yesus Kristus.

Efesus 3:1

Yaku Paulus binui ampa'paan makua in Abar Kaaruien andumoro' i Yesus Kristus ai camu tou ra'ica Yahudi.

Efesus 4:1

Yaku Paulus si binui ampa'paan maselewir si Casuruan, sina'- uenku kamu sé tinowao i Amang Kasuruan wosama' kamu menonou kumiit in totowa itu.

Efesus 6:20

Yaku ayutus mengakua in Abar Kaaruien itu, wo ampa'paano in Abar Kaaruien ituo, akar in intarépé' aku pakabuin. Isombayang angé, wosama' ra'io wana eng kaindé'anku makua in Abar Kaaruien itu, tambisa si musti cuaku a sé tou.

Filipi 1:1

En surat anio' a yaku owo Paulus wo si Timotius ata-ata i Kristus Yesus. Icirimku en surat anio' a sé pakasa in tou le'nas sé meesao wo si Yesus Kristus an Filipi, icauntep sé tou mengatilik sé jamaat wo sé maselewir an jamaat.

Filipi 2:25

Wo anggapenku ka'i perlu yutus angé sumawel si Epafroditus ai camu si aicirim iow en sumelewir ing kaperluanku. Sia imamuali poow an esa paémanen wo katawoiku mengakua in Abar Kaaruien andumoro' i Yesus Kristus wo mewali-wali maraméji méma' in tawoien si airu'du' i Amang Kasuruan.

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

Kolose 1:1

En surat anio' a yaku owo Paulus si mamuali ruru'du'an i Kristus Yesus kumiit ing kasalé'an i Amang Kasuruan wo ka'i asi Timotius poowta.

Kolose 4:11

Si Yesus si patowan éra Yustus, méé ka'i mai in siri' ai camu. An uner é tou Yahudi am bia'i sé maémano a si Yesus Kristus, wayake' séra in telu sé matawoi ang karapiku torona ing kakolanoan i Amang Kasuruan. Séra wutu-wutul e miboro yaku.

1 Tesalonika 3:2

wo si Timotius poowta an esa paémanen, yutus ami mangé ai camu. Sia itu kara-karapita matawoi a si Amang Kasuruan e mengakua in Abar Kaaruien andumoro' i Yesus Kristus. Yutus ami si Timotius maangé e méé ing kaketeran an até miow wosama' em paémanen iow a si Yesus makaketer.

2 Tesalonika 1:1

Siri' a yaku owo, Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika. Kamu sé maéman a si Amang Kasuruan Amangta wo a si Apo' Yesus Kristus.

2 Timotius 1:8

Anaé, ico ra'ica toro malawi' masairi in andumoro' i Apo'ta Yesus. Ico ka'i ra'ica toro malawi' mangaku sa aku karapimu ampa'paan aku intarépé' am bui. Yaku am bui ampa'paan maselewir a si Yesus Kristus. Ico ka'i musti sumangkum in okoi tanu yaku ampa'paan mengakua in Abar Kaaruien andumoro' i Yesus Kristus. An tutuw ko sumangkum in okoi, tantu si Amang Kasuruan méé mai kaketeran ai co.

Filemon 1:23

Si Epafras icumirim mai in siri' ai co. Sia binui mewali-wali wo yaku ampa'paan maselewir a si Kristus Yesus.

Filemon 1:24

Sé kara-karapiku an esa tawoien, si Markus, si Aristarkhus, si Demas wo si Lukas, séra ka'i cumirim mai in siri' ai co.

Filemon 1:9

taan ampa'paan ing kaupusanmu a sé tou, lébé loor pekiupusenku ai co ang karapi in lekep en até. Wopé'ka'i aku anio' Paulus matu'ao wo ka'i intarépé' binui ampa'paan i Kristus Yesus.