Taitəs 1:6 - Nauəuə Asim Rəha Uhgɨn Nəmtətiən Vi

⁶ Eldə mɨn rəha niməfaki, nəmiəgəhiən rəhalah otəkeikei məhruahru agɨn, kəni noliən tərah kəti tɨkə lan. Kəni ilah məsotol-pəniən rəhalah mɨn nɨpətan, kəni rəhalah kəlkələh mɨn okotəkeikei motəhatətə e Uhgɨn, kəni məsotan əpnapɨniən motol natimnati təsəhmeniən, kəni məsotəhtiən nəuia rəhalah tatə mɨne mamə məmə nətəmimi okotəni rah ilah ohni.

Taitəs 1:6 Iomraidhean Croise

Nanusiən Təuvɨr Rəha Iesu Krɨsto Iətəm Luk Təmətei 1:5

E nian rəha suah kəti, nərgɨn u Herot Asoli, kig rəha Jutiə, e nian əha pris kəti nərgɨn u Səkaraea. In kəti mɨn e pris mɨn u kətəni nərgɨ lah məmə, Pris mɨn rəha Apia. Aupən rəkɨs, suah u Apia tatsɨpən e pris u Eron. Rəhan pətauəhli nərgɨn u Ilesəpet, kəni in mɨn tatsɨpən e pris u Eron.

Efəsɨs 5:18

Sotapɨsiən e wain mətəu-inu otiuvi=pən itəmah e nalməliən, mətəu təuvɨr məmə nəmiəgəhiən rəhatəmah otəriauəh əmə e Narmɨn Rəha Uhgɨn.

1 Təsalonaikə 5:14

Kəni piak mɨn mɨne nəuvɨnɨk mɨn, iəhlətapuəh əskasɨk məmə nəkotagət əskasɨk e nətəmi mɨn u kəutəlpah məsotoliən nati kəti. Otəfəri nətəlɨgiən rəha nətəmi nɨkilah təpəou. Otasiru e nətəmi rəhalah nəsanəniən tɨkə. Otol rəhatəmah nətəlɨgiən təfəməh o nətəmimi rəfin.

1 Timoti 1:9

Nian rəfin kitah okotəkeikei motəhrun məmə Lou təməsuvaiən o nətəm kotəhruahru, mətəu Lou təmuva məmə otəgətun kəm nətəmimi məmə ilah nətəmimi rəha nol rahiən: nətəm kəsotɨsiaiən Uhgɨn mɨne nol təfagə tərah; nətəm rəhalah noliən tekəu-ekəu kəutəuhlin nəmtahlah o nəfakiən; nətəm kəmotuhamu rəhalah tatə mɨne mamə; nətəm kəutuhamu əhanəh itəmi;

1 Timoti 3:12

Suah kəti iətəm tatos uək rəha dikon, in otəkeikei mos rəhan pətan kətiəh əmə, kəni in otəkeikei mətarmənɨg vivi e rəhan mɨn kəlkələh mɨn mɨne rəhan lahuənu.

Taitəs 1:10

Iətəghati mɨn lanu mətəu-inu nətəmimi tepət e niməfaki əpəha Krit kotəməki e nɨpəhriəniən u. Ilah, nəghatiən rəhalah tətatɨperəh pɨk təhmen e kaluəluə, mətəu nuhuən lan tɨkə, kəni mautiuvi rəkɨs nətəmimi nəuvein e nəgətuniən eiuə mɨn rəhalah. Nətəmimi tepət rəha Isrel nətəm kəutəhatətə e Krɨsto, ilah kəutəhtul əskasɨk o Lou rəhalah, məutəni məmə okəkeikei kəhgi=pən nətəmimi məmə Uhgɨn otosmiəgəh ilah. Ilah nəgətun eiuə mɨn.