Matiu 3:17 - Nauəuə Asim Rəha Uhgɨn Nəmtətiən Vi

¹⁷ Kəni nəuia Uhgɨn təmsɨpəri e neai mətəni məmə, “Inu nətɨk keikei iətəm iəkolkeikei pɨk, kəni nɨkik tagiən pɨk ohni.”

Matiu 3:17 Iomraidhean Croise

Matiu 17:5

Nian Pitə təmətəghati əhanəh, nəpuə əhagəhag kəti təmuva məuveg ilah, kəni kəmotətəu nəuia iətəmi kəti təmiet e nəpuə mətəni məmə, “Inu nətɨk iətəm iəkolkeikei pɨk. Nɨkik tagiən pɨk ohni. !Nəklətəlɨg lan!”

2 Pitə 1:17

Itɨmah Iesu əpəha ilɨs e nɨtəuət rəha Uhgɨn nian Uhgɨn Tatə təməfən nɨsiaiən kəm in, kəni mol in nəhagəhagiən tasiə miet e nɨpətɨn, kəni təmətəu nəuia Uhgɨn u Nəhagəhagiən Asoli təməni kəm in məmə, “Inu nətɨk iətəm iəkolkeikei, nɨkik tagiən pɨk ohni.” Itɨmahal mɨn iəmhlətəu nəuian əha təmsɨpən e negəu e neai.

Nanusiən Təuvɨr Rəha Iesu Krɨsto Iətəm Luk Təmətei 9:35

Kəni ilahal kəhlətəu nəuia suah kəti təmsɨpən e nəpuə, mətəni məmə, “Inu nətɨk iətəm iəu iəmɨtəpɨn. !Əhlətəlɨg vivi lan!”

Matiu 12:18

“Inu ioluək rəhak iətəm iəu inɨtəpɨn rəkɨs, iəkolkeikei pɨk in, kəni nɨkik tagiən pɨk ohni. Kəni iəu iəkol məmə Narmɨn Rəhak otuva məriauəh lan. Kəni in otəni pətɨgəm noliən əhruahru rəhak mɨne nosmiəgəhiən rəhak e nəhmtɨ nətəmimi e nɨtəni pɨsɨn pɨsɨn mɨn.

Nanusiən Təuvɨr Rəha Iesu Krɨsto Iətəm Mak Təmətei 9:7

Kəni nəpuə təmuva məuveg ilah, kəni kəmotətəu nəuia iətəmi kəti təmsɨpən əpəha e nəpuə məmə, “Inu nətɨk keikei u iəkolkeikei pɨk. Onəklətəlɨg lan.”

Nanusiən Təuvɨr Rəha Iesu Krɨsto Iətəm Luk Təmətei 3:22

kəni Narmɨn Rəha Uhgɨn təmsɨpəri meiuaiu, nɨpətɨn təhmen e mak muva məharəg pəri e Iesu, kəni nəuia Uhgɨn təmsɨpəri e negəu e neai mətəni məmə, “Ik nətɨk keikei, iəkolkeikei pɨk ik, kəni nɨkik tagiən pɨk agɨn ohnik.”

Nanusiən Təuvɨr Rəha Iesu Krɨsto Iətəm Mak Təmətei 1:11

Kəni nəuia Uhgɨn təmsɨpəri əpəha e negəu e neai mətəni lanu lan məmə, “Ik nətɨk keikei, iəkolkeikei pɨk ik, kəni nɨkik tagiən pɨk agɨn ohnik.”

Kolosi 1:13

Kəni Uhgɨn təmol lanəha nian in təmos rəkɨs itah e narmənɨgiən rəha napinəpuiən, mɨnol itah kɨnəhuva e narmənɨgiən rəha Nətɨn iətəm in tolkeikei pɨk.

Efəsɨs 1:6

Təmol lanəha məmə kitah okotəni-vivi Uhgɨn o rəhan nəuvɨriən iətəm in təuvɨr tapirəkɨs, nəuvɨriən əha iətəm təmətuati əpnapɨn əmə kəm tah e Nətɨn iətəm in tolkeikei pɨk.

Nanusiən Təuvɨr Rəha Iesu Krɨsto Iətəm Jon Təmətei 5:37

Kəni Tatə Uhgɨn iətəm təmahli=pa iəu, inəha iətəm tɨnatəhtul pətɨgəm ohniəu. In tətəni pətɨgəm pau iəu, mətəu itəmah nəsotətəu agɨniən nəuian aupən mətəuarus=pa u rəueiu mɨne, kəni itəmah nəsoteruhiən nəhmtɨn.

Nəhan-əhaniən 14:2

Kəni iəkətəu nati kəti əpəha ilɨs e negəu e neai tətagət, nəuian təhmen e nɨtəhi tatem nəuanaluəluə, kəni məhmen mɨn e kaluəluə tɨtatɨperəh, kəni iəkətəu təhmen mɨn e nəuia hap tepət, nətəmimi kautoh.

Nanusiən Təuvɨr Rəha Iesu Krɨsto Iətəm Jon Təmətei 5:20

Nətɨn təhrun noliən lanəha, mətəu-inu Tatə Uhgɨn tolkeikei pɨk Nətɨn, kəni in tətəgətun in e natimnati rəfin iətəm in tatol. Kəni in otəpanəgətun in e natimnati rəfin iətəm in tatol. Kəni in otəpanəgətun mɨn natimnati mɨn kəm in iətəm iahgin mɨn kotapirəkɨs in mɨn u, məmə otol itəmah narmɨtəmah tatiuvɨg pɨk ohni.

1 Jon 5:9

Nian mɨn, kitah kautətəu nəghatiən mɨn iətəm nətəmimi kəutəni pətɨgəm, məutəhatətə e lah. Mətəu nian Uhgɨn tətəni pətɨgəm nati kəti, in iahgin tapirəkɨs, kəni kitah okotəhrun nəhatətə təhmɨn mɨn e rəhan nəghatiən, mətəu-inu in Uhgɨn, kəni in tətəhtul pətɨgəm o Nətɨn.