Matiu 21:44 - Nauəuə Asim Rəha Uhgɨn Nəmtətiən Vi

⁴⁴ Nəmə iətəmi kəti otaiu mələs pɨkɨn pos u, nɨkɨlkɨlin tɨtəgɨt əgɨt. Uə nəmə pos u otəmei məməhli-ərain in, otauvtəuvtə mərah agɨn.”

Matiu 21:44 Iomraidhean Croise

Matiu 21:43

Tol lan əha, iətəni kəm təmah məmə Narmənɨgiən Rəha Uhgɨn okos rəkɨs o təmah, kəni kəfən kəm nətəmimi mɨn u nətəm okotol nəuialah.

Matiu 21:45

Nian pris asoli mɨn mɨne Farəsi mɨn kəmotətəu nəghatiən əuhlin iətəm Iesu təməni, kəni kəmotəhrun məmə tətəghati e lah.

Matiu 26:24

Kəni iəu Nətɨ Iətəmimi oiəkəkeikei mɨmɨs məmə inu Nauəuə Rəha Uhgɨn təməni lak mɨne. !Mətəu kəsi, nərahiən asoli o iətəmi u iətəm otegəhan=pən e Nətɨ Iətəmimi e nəhlmɨ rəhan tɨkɨmɨr mɨn! Təuvɨr pɨk agɨn nəmə təməsair əməiən.”

Matiu 27:25

Kəni nətəmimi rəfin kəmotəni məmə, “!Pəh nɨran təməhli=pa o tɨmah mɨne kəlkələh mɨn rəhatɨmah mɨn!”

Nanusiən Təuvɨr Rəha Iesu Krɨsto Iətəm Luk Təmətei 2:34

Kəni Sɨmion təməfaki məmə nəuvɨriən rəha Uhgɨn otuvən o lau. Kəni in təməni kəm Meri u mamə rəha suakəku məmə, “Onakateh, Uhgɨn təməni rəkɨs məmə suakəku u otol məmə nətəmimi tepət əpəha Isrel okoteiuaiu motorin, kəni tepət mɨn okotəri. Kəni in otuva nəmtətiən kəti nətəmimi tepət okotəghati rah lan məmə,

Nanusiən Təuvɨr Rəha Iesu Krɨsto Iətəm Luk Təmətei 20:18

“Nətəmimi rəfin nətəm okotəmei motorin=pən ilah e kəpiel əha, kəni nɨkɨlkɨlilah otɨtəgɨt-əgɨt. Kəni nəmə kəpiel əha otəmei məhti iətəmi kəti, kəni in otauvtəuvtə mərah agɨn.”

Nanusiən Təuvɨr Rəha Iesu Krɨsto Iətəm Jon Təmətei 19:11

Kəni Iesu təni=pən kəm in məmə, “Nəmə Uhgɨn təməsoliən nati u, ko ik onəsos agɨniən nəsanəniən məmə onəkakil iəu. Tol lanəha, noliən tərah rəha iətəmi u iətəm təməfɨnə iəu e nəhlməm, in tərah mapirəkɨs rəham.”

Nauəuə iətəm Pol təmətei tatuvən kəm nəfaki mɨn əpəha Rom 9:33

Inu təhmen e Nauəuə Rəha Uhgɨn iətəm tətəni məmə, “!Oteruh-to! Iəmaharu Kəpiel kəti əpəha Jerusɨləm məmə nətəmimi okotoh pɨkɨn, in Kəpiel iətəm otol ilah kotəmei. Mətəu iətəmimi iətəm tətəhatətə e Iətəmi əha, ko in otəsaulɨsiən nian təhtul e nəhmtɨ Uhgɨn.”

1 Təsalonaikə 2:16

mətəu-inu nətəmi asoli mɨn u kəutalkut məmə okotəniəhu itɨmah o nəghatiən kəm Nanihluə mɨn məmə Uhgɨn otosmiəgəh ilah. E noliən əha, ilah kotoriarun rəhalah noliən tərah mətəuarus təhmen. Mətəu rəueiu əha, niəməha mɨne nalpɨniən rəha Uhgɨn tɨnuva o lah.

1 Pitə 2:8

kəni Nauəuə Rəha Uhgɨn tətəni məmə, “Kəpiel u tatol nətəmimi kautələs pɨkiən, kəni in kəpiel iətəm tatol məmə nətəmimi kəutapitətəl lan mautəmei.” Ilah kəutələs pɨkɨn kəpiel u mətəu-inu kautəhti nəuia nəghatiən, kəni inu nəlpəkauiən iətəm Uhgɨn təmol o lah.