Nanusiən Təuvɨr Rəha Iesu Krɨsto Iətəm Luk Təmətei 3:12 - Nauəuə Asim Rəha Uhgɨn Nəmtətiən Vi

¹² Nətəmimi nəuvein rəha nosiən məni rəha takɨs kəməhuva məmə otol bəptais e lah, kəni motətapuəh o Jon məmə, “?Kəni oiəkotol nak?”

Nanusiən Təuvɨr Rəha Iesu Krɨsto Iətəm Luk Təmətei 3:12 Iomraidhean Croise

Matiu 5:46

“?Nəmə nəkotolkeikei əmə nətəmimi mɨn u nətəm kotolkeikei itəmah, kəni nɨkitəmah təhti məmə Uhgɨn otətəou itəmah o noliən kəti iətəm təuvɨr? !Kəpə! !Nətəmimi mɨn u nətəm kautos məni rəha takɨs, iətəm kətəni məmə nətəmimi ilah kotərah, ilah mɨn kotolkeikei ilah mɨn!

Nanusiən Təuvɨr Rəha Iesu Krɨsto Iətəm Luk Təmətei 18:13

“Mətəu suah kəha, iətəmi tatos məni rəha takɨs, in təməhtul=pən isəu, kəni mətaulɨs məsəsal pəriən e negəu e neai kəni məfaki. Kəni nɨkin tɨtəgɨt mətasək mətəhti mankɨlahan mətəni məmə, ‘Uhgɨn, iəu iətəmi tərah. !Nɨkim teiuaiu ohniəu!’”

Nanusiən Təuvɨr Rəha Iesu Krɨsto Iətəm Luk Təmətei 3:10

Kəni nɨmənin nətəmimi kəmotətapuəh o Jon məmə, “?Kəni oiəkotol nak?”

Nanusiən Təuvɨr Rəha Iesu Krɨsto Iətəm Luk Təmətei 3:13

Kəni Jon təməni=pən kəm lah məmə, “Sotos əuauiən məni o nətəmimi tapirəkɨs inu təhmen əmə mə onəkotos.”

Nanusiən Təuvɨr Rəha Iesu Krɨsto Iətəm Luk Təmətei 7:29

Nian nətəmi əpnapɨn, mɨne nətəmimi rəha nosiən takɨs kəmotətəu nəghatiən rəha Iesu, ilah kəmotəni məmə suaru rəha Uhgɨn in suaru əhruahru. Kəutəni lanəha mətəu-inu Jon təmol bəptais rəkɨs e lah.

Uək Mɨn 2:37

Nəghatiən u rəha Pitə təmek pəhriən nɨkilah kəni nɨkilah təpəou. Kəni kəmotətapuəh o Pitə mɨne aposɨl mɨn rəfin məmə, “Piatɨmah mɨn. ?Oiəkotəhro lanu?”