Nanusiən Təuvɨr Rəha Iesu Krɨsto Iətəm Luk Təmətei 15:21 - Nauəuə Asim Rəha Uhgɨn Nəmtətiən Vi

²¹ “Kəni nətɨn təni=pən kəm in məmə, ‘Tatə. Iəu iəmol təfagə tərah e Uhgɨn mɨne ik. Rəueiu əha iəsəhmeniən məmə onəkauɨn lak məmə nətɨm.’

Nanusiən Təuvɨr Rəha Iesu Krɨsto Iətəm Luk Təmətei 15:21 Iomraidhean Croise

Nanusiən Təuvɨr Rəha Iesu Krɨsto Iətəm Luk Təmətei 15:20

Kəni təməhtul maliuək mɨnatuvən məmə oteh rəhan tatə. “Mətəu nian təmətuva əhanəh isəu, rəhan tatə təməsal=pən mafu, kəni nɨkin təmepət ohni, kəni maiu muvən mos nəuegɨn magiən ohni.

Nanusiən Təuvɨr Rəha Iesu Krɨsto Iətəm Luk Təmətei 15:22

“Mətəu rəhan tatə taun e rəhan mɨn noluək mɨn məni=pən kəm lah məmə, ‘!Ei! Əhuvən uəhai motos napən u iətəm təuvɨr mapirəkɨs məhuva məhuvən=pən lan kəm in, kəni motos ring motəfən e nəhlmɨn, kəni motos put kəhuva məhuvən=pən e nəhlkɨn,

Nauəuə iətəm Pol təmətei tatuvən kəm nəfaki mɨn əpəha Rom 2:4

!Nɨkitəmah təsəhti pɨkiən noliən rəha Uhgɨn! In tatol təuvɨr pɨk kəm təmah, kəni məsəməki uəhaiən e təmah, kəni rəhan nətəlɨgiən o təmah in təfəməh. Mətəu itəmah nautol nati əpnapɨn əmə e noliən təuvɨr mɨn əha rəhan. Nəkotəhrun uə kəpə, məmə tatol noliən təuvɨr mɨn kəm təmah məmə onəkotəuhlin itəmah e rəhatəmah noliən tərah mɨn.

1 Korən 8:12

Nian nautol noliən tərah kəm itəmah kəti e noliən əha, mautərəkɨn nətəlɨgiən rəhan u təsəskasɨkiən təhmen, kəni nautol təfagə tərah e Krɨsto.