Nanusiən Təuvɨr Rəha Iesu Krɨsto Iətəm Luk Təmətei 1:51 - Nauəuə Asim Rəha Uhgɨn Nəmtətiən Vi

⁵¹ In təmol nati apɨspɨs mɨn e nəsanəniən e nəhlmɨn. In təməhgi-atiti nətəm kəutəfəri ilah e nətəlɨgiən rəhalah.

Nanusiən Təuvɨr Rəha Iesu Krɨsto Iətəm Luk Təmətei 1:51 Iomraidhean Croise

Nauəuə iətəm Pol təmətei tatuvən kəm nəfaki mɨn əpəha Rom 1:21

Tol lanəha mətəu-inu, nati əpnapɨn ilah kəmotəhrun Uhgɨn tepət nəuan nəuvetɨn, mətəu kəmotəpəh nɨsiaiən məmə in Uhgɨn, kəni məsotəniən kəm in məmə nɨkilah tagiən o natimnati in təmol kəm lah. Mətəu nɨkilah təmatəhti nətəlɨgiən alməli mɨn məmə Uhgɨn təhro lanu, kəni nətəlɨgiən rəhalah təmuva mapinəpu, mɨnotəruru suaru iətəm Uhgɨn tolkeikei məmə okotəhrun.

2 Korən 10:5

Itɨmah iautosiahu nəghatiən eiuə mɨn mɨne nətəlɨgiən əfəri mɨn, natimnati mɨn u kautəniəhu nətəmimi o nəhruniən Uhgɨn. Nətəlɨgiən mɨn rəfin u tɨkɨmɨr mɨn rəha Uhgɨn, itɨmah iəutəlis-ərain ilah, mautehpahu ilah, motol məmə ilah rəfin okotol nəuia Krɨsto.

1 Pitə 5:5

Kəni e noliən kətiəh əmə, itəmah nətəm aluə, otɨsiai motol nəuia eldə mɨn rəha niməfaki. Kəni itəmah rəfin agɨn onəkotosiahu rəhatəmah nətəlɨgiən teiuaiu mautɨsiai itəmah mɨn rəfin. Otol lanəha mətəu-inu Nauəuə Rəha Uhgɨn tətəni məmə, “Uhgɨn təsagiəniən e nətəm kəutəfəri mətahtɨpəsɨg e lah, mətəu tətəfən rəhan nəuvɨriən kəm nətəm kautosiahu aru ilah.”

Nəhan-əhaniən 18:8

O nəfəriən rəhan, rəhan nalpɨniən mɨn otələs in o nian kətiəh əmə. In otatɨmɨs, mətətəu tərah mətasək. Kəni in otatɨg e nian iəkɨs o nosiən nauəniən, kəni nɨgəm otus in, mətəu-inu Iərmənɨg Uhgɨn əha, nahgin tepət, in tətəfən rəhan nalpɨniən.”