Nanusiən Təuvɨr Rəha Iesu Krɨsto Iətəm Jon Təmətei 16:1 - Nauəuə Asim Rəha Uhgɨn Nəmtətiən Vi

¹ Iəu inətəni pətɨgəm natimnati mɨn u kəm təmah məmə nəsotəhlmaniən e rəhatəmah nəhatətəiən.

Nanusiən Təuvɨr Rəha Iesu Krɨsto Iətəm Jon Təmətei 16:1 Iomraidhean Croise

Matiu 11:6

Iətəmimi otatɨg e nəuvɨriən pəhriən nəmə in təsəhlmaniən e nəhatətəiən lak o natimnati mɨn iətəm iəu iatol uə iəsoliən.”

Matiu 13:21

mətəu nokɨn təseiuaiu pɨkiən, kəni tətəhtul o nian əkuəkɨr əmə. Nian nəsəsauiən, uə nərahiən tuva e nəmiəgəhiən rəhan o nəghatiən əha, kəni təmei uəhai əmə e rəhan nəhatətəiən.

Matiu 13:57

Kəni nɨkilah təsagiəniən ohni kəni motəuhlin nəmtahlah ohni. Mətəu Iesu təməni=pən kəm lah məmə, “Nəmə iətəmi kəti in iəni, nətəmimi rəfin kautɨsiai. Mətəu rəhan mɨn nətəmimi əpəha lahuənu mɨne rəhan mɨn nətəmimi e nɨpəgnəua nimə rəhan, ilah əmə kəsotɨsiaiən.”

Matiu 24:10

Kəni e nian mɨn əha, nətəmimi tepət okotəpəh rəhalah nəhatətəiən, kəni okotegəhan=pən e lah mɨn e nəhlmɨ tɨkɨmɨr mɨn rəhalah, kəni motəməki e lah mɨn,

Nanusiən Təuvɨr Rəha Iesu Krɨsto Iətəm Jon Təmətei 15:11

Iəu iəmətəni pətɨgəm nəghatiən mɨn u kəm təmah, məmə nɨkitəmah otətagiən, təhmen əmə məmə iəu nɨkik tətagiən. Konu nɨkitəmah otagiən magiən məriauəh.

Nanusiən Təuvɨr Rəha Iesu Krɨsto Iətəm Jon Təmətei 16:4

Mətəu iəu iəkaupən məni pətɨgəm natimnati mɨn u kəm təmah. Kəni nian ilah kɨnotətuəuin mɨnautol e təmah, kəni nɨkitəmah otəhti məmə iəu iəməni rəkɨs natimnati mɨn u kəm təmah.” Kəni Iesu təghati əhanəh matuvən, mətəni məmə, “Iəu iəməsəni pətɨgəmiən natimnati mɨn u kəm təmah aupən, mətəu-inu iəmətatɨg kitah min itəmah.

Nauəuə iətəm Pol təmətei tatuvən kəm nəfaki mɨn əpəha Rom 14:21

Kəni tol lanəha, təuvɨr məmə nəsotuniən nəhuvegɨ nati, uə nəsotəmnɨmiən wain, uə noliən nati kəti mɨn iətəm otol piatəmah otəmei e nəmiəgəhiən rəhan.

Fɨlɨpai 1:10

məmə itəmah onəkotəhrun neruhiən nati nak u in təuvɨr pɨk agɨn, kəni məmə onəkotəhruahru vivi, kəseruh-pəniən nati tərah kəti e təmah rəueiu mətəuarus nian iətəm Krɨsto otuva mɨn lan.

1 Pitə 2:8

kəni Nauəuə Rəha Uhgɨn tətəni məmə, “Kəpiel u tatol nətəmimi kautələs pɨkiən, kəni in kəpiel iətəm tatol məmə nətəmimi kəutapitətəl lan mautəmei.” Ilah kəutələs pɨkɨn kəpiel u mətəu-inu kautəhti nəuia nəghatiən, kəni inu nəlpəkauiən iətəm Uhgɨn təmol o lah.