Hiprus 5:11 - Nauəuə Asim Rəha Uhgɨn Nəmtətiən Vi

¹¹ Itɨmah iəmotos nəghatiən tepət məmə iəkotəni=pɨnə kəm təmah, məmə Iesu in pris asoli agɨn təhmen e Melkisɨtek. Mətəu tiəkɨs pɨk o nəni-viviən ilah rəfin kəm təmah, mətəu-inu itəmah nəutəlpah pɨk o nətəuiən nati kəti kəni motəhrun.

Hiprus 5:11 Iomraidhean Croise

Matiu 13:15

In tol lanəha mətəu-inu nɨkilah tɨniəkɨs rəkɨs. Kəmotasisɨg e matəlgɨlah mɨne nəhmtɨlah. Mətəu kəmautol lanəha məmə, okəsoteruhiən e nəhmtɨlah, kəni okəsotətəuiən e matəlgɨlah, kəni nɨkilah təruru nəhruniən. Kəni məsəhuvaiən ohniəu məmə iəkosmiəgəh ilah.’

Nanusiən Təuvɨr Rəha Iesu Krɨsto Iətəm Mak Təmətei 8:21

Kəni təmətapuəh o lah məmə, “?Mətəu itəmah nəkotəruru əhanəh iəu?”

Nanusiən Təuvɨr Rəha Iesu Krɨsto Iətəm Luk Təmətei 24:25

Kəni in təməni=pən kəm lau məmə, “Suah mil. !Rəhatəlau kapə tɨkə, nəkotəhro tiəkɨs agɨn o təmah o nəniən nɨpəhriəniən e natimnati mɨn u iəni mɨn rəha Uhgɨn kəmotəni!

Nanusiən Təuvɨr Rəha Iesu Krɨsto Iətəm Jon Təmətei 16:12

“Iəu iatos əhanəh natimnati tepət mɨn məmə iəpanəni kəm təmah. Mətəu rəueiu əha, ko nəsotos rəfiniən ilah. Tiəkɨs pɨk o təmah.

Nanusiən Təuvɨr Rəha Iesu Krɨsto Iətəm Jon Təmətei 6:6

In təməni askəuvɨn əmə məmə oteruh-to nəhatətəiən rəha Fɨlɨp, mətəu in tɨnəhrun rəkɨs nati nak iətəm in otəpanol.

Uək Mɨn 28:27

In tol lanəha mətəu-inu nɨkilah tɨniəkɨs rəkɨs. Kəmotasisɨg e matəlgɨlah mɨne nəhmtɨlah. Mətəu kəmautol lanəha məmə, okəsoteruhiən e nəhmtɨlah, kəni okəsotətəuiən e matəlgɨlah, kəni nɨkilah təruru nəhruniən. Kəni məsəhuvaiən ohniəu məmə iəkosmiəgəh ilah.’”

Hiprus 5:10

Kəni Uhgɨn təməfən nərgɨn u kəm in, məmə in pris asoli agɨn təhmen əmə e suah u Melkisɨtek aupən.

Hiprus 5:12

Itəmah nəmotəhatətə nuvəh rəkɨs, kəni təuvɨr məmə itəmah nɨnəhuva rəkɨs nəgətun mɨn rəha nəghatiən rəha Uhgɨn. Mətəu kəpə, itəmah nautol əmə lanəha. Rəueiu əha, kəkeikei kəgətun mɨn itəmah, tətuəuin mɨn, e nəukətɨ nəghatiən mɨn rəha Uhgɨn. Nɨpəhriəniən u, itəmah nəsotəhmeniən o nuniən nauəniən əskasɨk mɨn, mətəu nəkotəhmen əmə məmə nəutəmah əhanəh.

2 Pitə 3:16

Tətəghati e natimnati mɨn əha e nauəuə mɨn rəfin rəhan. E nauəuə mɨn əha, natimnati nəuvein əha ikɨn iətəm tiəkɨs məmə okotəhrun. Kəni nətəmi kotenəu-enəu məsotəhruniən nati, kəni rəhalah nətəlɨgiən tətaliuək-aliuək, ilah kautəuhlin nəghatiən mɨn rəha Pol, e noliən kətiəh əmə iətəm kautəuhlin nəghatiən rəha nauəuə nəuvein mɨn rəha Uhgɨn. Kəni Uhgɨn otərəkɨn ilah ohni.