Namnusən Təwɨr Rəha Iesu Kristo Itəm Luk Təməte 6:21 - North Tanna

²¹ Itəmat itəm nakoteam-in nagwənən əh-roiu, nakoatatɨg e nəwɨrən pahrien. In nəwɨrən pahrien məto-inu, onəkotən məmə, ‘Əwəh, tahmen.’ Itəmat itəm nakotasək əh-roiu, nakoatatɨg e nəwɨrən pahrien. In nəwɨrən pahrien məto-inu onəkotalah.

Namnusən Təwɨr Rəha Iesu Kristo Itəm Luk Təməte 6:21 Iomraidhean Croise

Matiu 5:4

Nakoatatɨg e nəwɨrən pahrien nian nakoatasək kən nɨkitəmat tɨtahmə. In nəwɨrən pahrien məto-inu, Uhgɨn otos-iəhau nɨkitəmat.

Matiu 5:6

Nakoatatɨg e nəwɨrən pahrien nian nakotolkeike pɨk e nɨkitəmat rafin agɨn məmə nəmegəhən rəhatəmat okotətuatɨp e nɨganəmtɨ Uhgɨn. In nəwɨrən pahrien məto-inu, Uhgɨn otol rəhatəmat nəmegəhən kotətuatɨp e nɨganəmtɨn.

Namnusən Təwɨr Rəha Iesu Kristo Itəm Luk Təməte 1:53

Netəm itəm nəumɨs tatus ilat, in tətagwən ilat e nagwənən itəm təwɨr, kən netəm rəhalat nautə tepət, in tətahl-iarəp ilat kən nat tɨkə e nelmɨlat.

Namnusən Təwɨr Rəha Iesu Kristo Itəm Luk Təməte 6:20

Kən Iesu təmasɨpən mehm rəhan mɨn netəmim, kən tən-ipən kəm ilat məmə, “Itəmat u ian-rat mɨn, nakoatatɨg e nəwɨrən pahrien. In nəwɨrən pahrien məto-inu, itəmat netəmim rəha Uhgɨn, kən in tatərəmərə etəmat.

Namnusən Təwɨr Rəha Iesu Kristo Itəm Luk Təməte 6:22

Nakoatatɨg e nəwɨrən pahrien nian netəmim koatetəhau itəmat, kən kəsegəhan-inən itəmat məmə onəkotol natɨmnat kitiəh itəmat min ilat, kən katən rat itəmat, kən katərəkɨn-rəkɨn nərgɨtəmat məmə itəmat rəha iərmɨs mɨn, kən ilat koatol nolən mɨn əh kəm itəmat məto-inu io Nətɨ Etəmim, kən itəmat rəhak mɨn.

Namnusən Təwɨr Rəha Iesu Kristo Itəm Luk Təməte 6:25

Kəsi, nahməən asol otuwa otəmat itəm nakotagwən pɨk moatəto təwɨr lan əh-roiu məto-inu, nəumɨs otəpanus itəmat. Kəsi, nahməən asol otuwa otəmat itəm nakotalah əh-roiu məto-inu, nəpanotasək onəkotasək agɨn.

Namnusən Təwɨr Rəha Iesu Kristo Itəm Jon Təməte 11:35

Iesu, nahwi nəmtɨn təmaiəh.

Namnusən Təwɨr Rəha Iesu Kristo Itəm Jon Təməte 4:10

Kən Iesu tən-ipən kəm in məmə, “Ik nəkəruru nat naka itəm Uhgɨn tolkeike məmə otos-ipɨnə kəm ik. Kən ik məruru mɨn io, io u, iatətapəh-in-pɨnə nəhau kəm ik. Okəmə ik nəkɨtun, ik onakətapəh-in-pa nəhau ron io. Kən io oekos-ipɨnə nəhau megəh.”

Namnusən Təwɨr Rəha Iesu Kristo Itəm Jon Təməte 6:35

Kən Iesu təmən-ipən kəm ilat məmə, “Io u, io Pɨret itəm tatos-ipən nəmegəhən. Etəmim otuwa ron io, in nəumɨs otəsus mɨnən. Kən etəmim itəm otahatətə lak, in otəsoaoa mɨnən.

1 Korin 4:11

Məto, inu nɨpahrienən. Mətoarus-pa roiu, nəumɨs tatus itɨmat, kən moatoaoa, kən ekoatuwɨn e natɨmnat kəmotəhap-əhap, kən netəmim koatoh itɨmat, kən rəhatɨmat nimə tɨkə.

2 Korin 11:27

Emol pɨk wək, kən nian tepət esapɨlən lapɨn. Nian mɨn neen, nəumɨs tus io, kən mətoaoa, kən nian tepət nɨgak nagwənən tɨkə. Kən nian tepət iatətəp, kən rəhak natɨmnat təsahmenən o nətəpən.

2 Korin 12:10

O nat əh, etagien nian nəsanənən tɨkə e nɨpətɨk, kən etagien nian katən rat io, kən etagien e nian iəkɨs mɨn, kən etagien nian katol nəratən kəm io, kən etagien e nian itəm tiəkɨs ron io. Etagien elat rafin o nərgɨ Kristo, məto-inu nian rəhak nəsanənən tɨkə, kən iatəsanən.

2 Korin 6:10

Nɨkitɨmat təpou, məto nian rafin ekotagien əh. Rəhatɨmat nautə tɨkə, məto itɨmat ekotol netəmim tepət rəhalat nautə tepət. Rəhatɨmat nat kit tɨkə, məto ekoatos natɨmnat rafin.

Jemes 1:12

Etəmim itəm tatətul əskasɨk nian nəratən tatuwa e rəhan nəmegəhən, in tətatɨg e nəwɨrən pahrien, məto-inu, nian tɨnol win e nəratən mɨn əh, kən Uhgɨn otos-ipən kəm in rəhan nətouən, inu nəmegəhən lilɨn. Uhgɨn təmən-iəkɨs rəkɨs məmə nəmegəhən lilɨn u, in rəha netəmim itəm kotolkeike in.

Nol Əpən 21:3

Kən əmun ekəto nəwian asol kit təmɨsɨ-pən əpəh e jea rəha kig matən məmə, “!Əplan-tu! Roiu əh, Uhgɨn tɨnol latuənu rəhan ilat netəmim. In otətatɨg ilat min, kən ilat okotuwa rəhan mɨn netəmim. Kən Uhgɨn ətuatɨp in otətatɨg olat, kən in rəhalat Uhgɨn.

Nol Əpən 7:16

Ilat, okol nəumɨs tɨsus mɨnən ilat, kən okol kəsotoaoa mɨnən. Kən nərauiə təsəhg mɨnən ilat, nape-apeən asol rəha mɨtgar otəsəhg mɨnən ilat,