Namnusən Təwɨr Rəha Iesu Kristo Itəm Luk Təməte 21:25 - North Tanna

²⁵ “Kən nəmtətin neen okotuwa e mɨtgar, ne məwɨg, ne məhau mɨn. Kən ikɨn-u e nətueintən, netəmim rafin okotəgin nərkərɨkən rəha nɨtəhəi ne peau-peau asol mɨn.

Namnusən Təwɨr Rəha Iesu Kristo Itəm Luk Təməte 21:25 Iomraidhean Croise

Matiu 24:29

“Nian ətuatɨp nəratən əh otol namnun, kən ‘mɨtgar otəpɨs agɨn, kən məwɨg otəsəmɨlhən mɨnən, kən məhau mɨn okotɨsas e neai, kən Uhgɨn otəloal e nəsanənən mɨn əpəh e neai.’

Matiu 27:45

Kən e tuelef klok mətoarus-pən tri klok, napinəpən təmeiuaiu mɨrəfin nat.

Namnusən Təwɨr Rəha Iesu Kristo Itəm Mak Təməte 13:24

“Kən e nian nahməən asol əh otɨkə, ‘kən mɨt otəpɨs, kən məwɨg otəsasiəən,

Namnusən Təwɨr Rəha Iesu Kristo Itəm Mak Təməte 13:26

Kən netəmim okotəplan io Netɨ Etəmim oekuwa e napuə e rəhak nəsanənən ne nepətən əhag-əhag asol rəhak itəm otasiəgəpɨn rafin io.

Namnusən Təwɨr Rəha Iesu Kristo Itəm Mak Təməte 15:33

Kən e tuelef klok mətoarus-pən tri klok, napinəpən təmeiuaiu mɨrəfin nat.

Namnusən Təwɨr Rəha Iesu Kristo Itəm Luk Təməte 21:24

Kən okagɨmnu netəmim e naip, kən nian rəhalat tɨkɨmɨr mɨn kəmotol win elat, kən okotit ilat motuwɨn ikɨn pɨsɨn pɨsɨn mɨn kən ilat okotuwa slef mɨn rəhalat. Kən Iaihluə mɨn okotaliwək kən katewɨg-ewɨg e Jerusalem motɨləs-iəhau netəmim ikɨn itəm koatatɨg əh, motərəmərə elat, kətoarus-pən nian rəhalat otol namnun.

Namnusən Təwɨr Rəha Iesu Kristo Itəm Luk Təməte 21:26

Netəmim okotəgɨn pɨk moatɨmɨseah o nəratən asol mɨn itəm koatuwa e nətueintən, məto-inu natɨmnat rəha neai itəm kotəskasɨk pɨk, məto Uhgɨn otəloal-əloal elat.

Wək Mɨn 2:19

Oekol nat pɨspɨs mɨn əpəh e neai, ne nəmtətin pɨsɨn pɨsɨn mɨn e nɨməptən. Onəkotəplan nɨta ne nɨgəm ne nəhaniəm okotər motol napuə lan.

Nol Əpən 20:11

Kən əmun ekəplan mɨn jea asol kit, təruən. Kən kig tatəpələh-pər lan. Nətueintən ne neai kəmuagɨm o nɨganəmtɨn, miakə agɨn.