Namnusən Təwɨr Rəha Iesu Kristo Itəm Jon Təməte 1:1 - North Tanna

¹ Aupən agɨn, e nətuounən nian, Nəghatən tɨnatɨg rəkɨs. Nəghatən u təmətatɨg ilau Uhgɨn, kən Nəghatən u, in Uhgɨn.

Namnusən Təwɨr Rəha Iesu Kristo Itəm Jon Təməte 1:1 Iomraidhean Croise

Matiu 1:23

“Pətan əkəku kit itəm iərman təsuwɨnən əh ron, otəpəs məwɨg, kən panɨləs nətɨn kit iərman, kən okaun-in nərgɨn məmə Emanuel,” inu nɨpətɨn təmə, “Uhgɨn tətatɨg kitat min.”

Namnusən Təwɨr Rəha Iesu Kristo Itəm Luk Təməte 24:53

Kən nian rafin, koatuwɨn e Nimə Rəha Uhgɨn moatənwiwi Uhgɨn.

Namnusən Təwɨr Rəha Iesu Kristo Itəm Jon Təməte 1:14

Nəghatən əh, in təmuwa etəmim, mətatɨg kitat min. Kən itɨmat emotəplan rəhan nepətən, kən nəsanənən asol ne nəhag-əhagən rəhan e nɨganəmtɨtɨmat. Inu, in nəsanənən asol ne nəhag-əhagən rəha Noan Kitiəh Əm, itəm in təmɨsɨ-pən e Tata Uhgɨn. In tərioah e nəwɨrən itəm tətawte-in kəm kitat, kən mərioah mɨn e nɨpahrienən.

Namnusən Təwɨr Rəha Iesu Kristo Itəm Jon Təməte 1:18

Suah kit təsehmən Uhgɨn nian kit ne. Məto Noan Kitiəh Əm, in Uhgɨn, itəm in iuəhkɨr o noanenau rəha Tata Uhgɨn, in təmol əp Uhgɨn kəm kitat kən kotɨtun.

Namnusən Təwɨr Rəha Iesu Kristo Itəm Jon Təməte 1:2

E nəukətɨ nian, in tɨnəmatɨg rəkɨs ilau Uhgɨn,

Namnusən Təwɨr Rəha Iesu Kristo Itəm Jon Təməte 16:28

Io emɨsɨ-pən o Tata Uhgɨn, muwa e nətueintən u. Kənu roiu otəsuwəhən kən ekiet mɨn e nətueintən u, mɨtəlɨg-pən mɨn o Tata Uhgɨn.”

Namnusən Təwɨr Rəha Iesu Kristo Itəm Jon Təməte 17:5

Tata, roiu əh, tɨnol nian rəham məmə onakos io ekɨmnə mətatɨg kilau min ik. Ləs-ipər io mos-ipa nepətən əhag-əhag kəm io, tahmen əm mə inun, emos aupən kilau min ik e nian nətueintən u təmatɨkə əh.

Namnusən Təwɨr Rəha Iesu Kristo Itəm Jon Təməte 20:28

Kən Tomas tən-ipən kəm in məmə, “Ik rəhak Iərəmərə, kən ik rəhak Uhgɨn.”

Namnusən Təwɨr Rəha Iesu Kristo Itəm Jon Təməte 8:58

Kən Iesu təmə, “Nɨpahrienən agɨn u iatən-ipɨnə kəm itəmat məmə, nian Epraham təməsaiirən əh, məto Io Etatɨg.”

Naoa itəm Pol təməte tuwɨn kəm iəfak mɨn ikɨn Rom 9:5

Kən tɨpɨlat mɨn, ilat netəm-iasol mɨn rəha Uhgɨn aupən, kən e nɨpətɨn ikɨn, Kristo təmɨsɨ-pən e noanol rəhalat, kən in Uhgɨn itəm in ilɨs e natɨmnat rafin, itəm okatənwiwi əm nulan kətan namnun tɨkə. Əwəh.

Efesas 3:9

kən ekol əp kəm netəmim rafin nolən itəm Uhgɨn təmol rəhan nalpəkauən anion otuwa met-arəp. Uhgɨn u təmol natɨmnat rafin, in təmatəhluaig-in nalpəkauən əh nuwəh rəkɨs.

Filipae 2:6

Kristo in tahmen əm e Uhgɨn məto in təməsalkutən məmə in otaskəlɨm nepətən rəha Uhgɨn,

Kolosi 1:15

Nətɨ Uhgɨn tahmen-pən əm e rəhan tata itəm kol netəmim kəsotehmən. Aupən aupən agɨn, nian nɨməptən ne neai ne natɨmnat rafin kəmoatɨkə əh, məto Nətɨn, in tɨnɨmaupən matɨg rəkɨs, kən tol-pən in, in ilɨs tatərəmərə o natɨmnat rafin mɨn u.

Kolosi 1:17

Kən in tɨnɨmaupən matɨg rəkɨs e natɨmnat rafin. Kən natɨmnat mɨn rafin koatatɨg məto-inu nəsanənən rəhan tətaskəlɨm ilat.

1 Timoti 3:16

Nɨpahrienən, nəghatən pahrien rəha Iesu Kristo itəm Uhgɨn təmol əp, in nat pɨspɨs itəm in iahgin, kən tol nəhlan: Kristo in təmuwa etəmim kən netəmim kəmotəplan. Kən Narmɨn Rəha Uhgɨn tatəgətun wɨr məmə Iesu tətuatɨp wɨr. Kən nagelo mɨn kəmotehm in. Kən katən-iarəp namnusən təwɨr rəhan kəm netəmim ikɨn pɨsɨn pɨsɨn mɨn. Kən netəmim rəha nətueintən u kotahatətə lan. Kən Uhgɨn təmos muwɨn ilɨs e neai mətuatɨg ilau min.

Taetas 2:13

Nəmegəhən rəhatat in otəkəike matol min-nulan nian kitat okoatəsahgin nian Iesu Kristo, rəhatat Uhgɨn ne rəhatat Iosmegəh, in otuwa mɨn lan e nəsanənən ne nəwɨrən. Nian əh in təwɨr agɨn, kən kitat kotɨtun mə otəpanuwa, kən matol nɨkitat tətagien.

Hiprus 13:8

Iesu Kristo in tatol əm nulan, nəniəp, ne roiu, kən otəpanətatɨg nulan, namnun tɨkə.

Hiprus 7:3

Naoa Rəha Uhgɨn təməsəghat-inən rəhan tata ne mama ne rəhan noanol mɨn. Kən təsənən nian təmaiir lan, ne nian itəm təmɨmɨs lan. Tahmen əm məmə in təməsɨmɨsən, in tatol əh wək rəha pris. Tol nəhlan, nəkəplan məmə in tahmen e Nətɨ Uhgɨn u, in pris lilɨn kit.

2 Pita 1:1

Io Saimon Pita, io slef ne aposol rəha Iesu Kristo. Iatən təwɨr kəm itəmat itəm nəmotos nahatətəən itəm in təwɨr tahmen e rəhatɨmat. Nəmotos nahatətəən əh e nolən ətuatɨp rəha rəhatat Uhgɨn ne Iosmegəh, inu Iesu Kristo.

1 Jon 5:20

Kitat kotɨtun mɨn məmə Nətɨ Uhgɨn təmuwa kən mos-ipa nenatɨgən kəm itat, məmə kitat okotɨtun in, u in nɨpahrienən. Kənu kitat koatətul-pən e Uhgɨn u in nɨpahrienən, məto-inu kitat koatətul-pən e Nətɨn Iesu Kristo. In un, in Uhgɨn pahrien, kən in nəukətɨ nəmegəhən lilɨn.

1 Jon 5:7

Narmɨn Rəha Uhgɨn in tətaruəsan nəghatən mil u rəha nəhau ne nɨta, matən-iarəp məto-inu Narmɨn Rəha Uhgɨn in nɨpahrienən.

Nol Əpən 1:11

kən nəwian u tatən məmə, “Əte rəkɨs e naoa natɨmnat mɨn rafin itəm natəplan kən mahl-ipən kəm niməfak sepɨn. Ilat koatuwɨn kəm Efesas, kən Sɨmana, kən Pekamam, kən Tuatira, ne Satis, ne Filatelfia, ne Laotisia.”

Nol Əpən 1:17

Nian eməplan suah əh, emeiuaiu morin io əh nelkɨn ikɨn, tahmen əm məmə emɨmɨs. Məto in təmea-pa mek io e rəhn matɨp kən məmə, “Əsəgɨnən. Io u, io emaupən matɨg, kən io iatol namnun agɨn.

Nol Əpən 1:2

Jon təmətul-arəp o natɨmnat rafin itəm in təməplan, kən məte rəkɨs ilat e naoa u. Natɨmnat mɨn un itəm in təməplan, in nəghatən rəha Uhgɨn ne nən-iarəpən rəha Iesu Kristo.

Nol Əpən 1:8

Iərəmərə Uhgɨn tatən məmə, “Io Nəukətɨn ne Namnun. Io u etatɨg roiu, kən emətatɨg lilɨn, kən epanətatɨg lilɨn mɨn, kən io un, Nahgik Tepət Pɨk Agɨn.”

Nol Əpən 19:13

In tatuwɨn e napən kit itəm kəmeer e nɨta, kən nərgɨn un, Nəghatən Rəha Uhgɨn.

Nol Əpən 2:8

Kən in tatəghat əh matən-ipa kəm io məmə, “Əte naoa kit tuwɨn o nagelo rəha niməfak e taon Sɨmana, mən-ipən məmə, Nəghatən u rəhan, etəm təmaupən matɨg, kən in otol namnun agɨn. In təmɨmɨs kən məmegəh mɨn, kən in tatən məmə,

Nol Əpən 21:6

Kən matɨg mən-ipa mɨn kəm io məmə, “Kɨnol namnun natɨmnat rafin. Io Nəukətɨn ne Namnun. Io nətuounən, kən io iatol namnun lan. Netəmim itəm koatoaoa, io ekos-ipən nəhau kəm ilat, itəm okotənɨm məsotos-nəmtɨnən. Kən inun, nəmtɨ nəhau itəm tatər matos-ipən nəmegəhən lilɨn.

Nol Əpən 22:13

Io Nəukətɨn ne Namnun. Io emaupən matɨg, kən io oekol namnun agɨn. Io nətuounən, kən io iatol namnun lan.

Nol Əpən 3:14

“Əte naoa kit tuwɨn o nagelo rəha niməfak e taon Laotisia, mən-ipən məmə, !Nəghatən u rəhan, etəm katən məmə in Nɨpahrienən! In un, in etəm kɨtun nagɨleən lan məmə tatətul-arəp o nən-iarəpən nɨpahrienən əm, kən in nəukətɨn natɨmnat rafin itəm Uhgɨn təmol. Nəghatən u rəhan, itəm in tatən-ipɨnə kəm itəmat məmə,