Gelé dong 9:1 - Kebu go dore go herua 1978

¹ Kardené kangito go bai lom tura doi. ’Enung sol désiddin do pena baga dugo duro delinya. Ddi bo gurongé go ’umbung go digé kuddung go toi basé karé koi kuaba.

Gelé dong 9:1 Iomraidhean Croise

NO DO DDARI A KUABA LUK 10:18

Jésu jogu yégé wa: ’Enung sol Sidan aserang a dang main wulainyé kain.

NO DO DDARI A KUABA LUK 8:31

Habé ga isini lé ol Jésu wa: Ji taieni cong a duro umbung ’eno.

MAKTUB DO PAUL TOI DO BA GIO GUSU GA ROM 10:7

Ddo keng yo wa: Na wanga go gesinyé a to gesong dugo ga? (To do poré na ca golang Jésu a duro ga maré.)

Gelé dong 1:18

’Enung danga cindung, ’enung kené ma tumu, ama cakcak kua na, ’enung danga cindung bera kuddum. ’Enung danga dono ca maré bua, ca kalang ga maré a duro ligiam bu’.

Gelé dong 1:20

Kua, na mendem lé toa do poré, ca desiddiyong ga jurgum ga ji ba solgé a kuabang go barua lé, dang tua do jurgum do luguinya lé. Desiddiyong ga jurgum lé na, na kangiyong ga yaué go Kumu koi go jurgum. Tua do jurgum lé na, na yaué go jurgum go Kumu koi.

Gelé dong 11:7

Kiddin ga ké ka kual go doré mam na, gijang go ba andegang a duro ’umbung go digé kuddung go toi basé karé da worin kembel dang nagé, ddia ddigé, ddia deddegé.

Gelé dong 17:8

Gijang go ji ba soli lé na, na ddi goang cindi tumu din, ama cakcak kua ddi wo ’eno, ama ddi andegang a duro ’umbung go ddigé kuddung go toi basé karé, ddi andegang ca basong cong. Kalang ga ké basé pasé gusondigé duro cidab doang cindo dang tumu din basé ké debé delinya dé na, ké sol kagelokemo kiddin ga ké ba sol gijang lé cawa tumu na, ddiang cindi, ama kardené ddi wo ’eno, ama cakcak kua ddi caga.

Gelé dong 20:1

Kardené ’enung sol kangito go pena saga a dang gesingu dugo, ddiang gerongé go ’umbung go ddigé kuddung go toi basé karé koi a kobi, dang kunja go gumu bu’.

Gelé dong 20:10

Kardené ké debu Sidan go babegé cin tagu do tua do kurjo, na kiddin ga ké ba debu gijang kang go cogelé kebu go poi kené, ka gel cin teba dang soindo waindo waindo bera kuddum.

Gelé dong 6:13

Desiddiyong ga dang bega duro delinya main kal ba surang tuagiang ma, wo goa go bagangang ba gungelongang dugo kain bu’.

Gelé dong 8:10

Kardené kangito go subu lom tura doi, désiddin do tungu do ’yé main tua do mutomu kain baga dugo. To ba ca kurai dang tî do kurai toi kobi pena, ddé ji sua.

Gelé dong 8:12

Kardené kangito go poddin lom tura doi. Ké sombu teba kuaba pena toinya, ddé ji sua bua, kederé kobi pena toinyi, ddé ji sua bua, desiddiyong kebegé pena toindé, ddé ji sua bu’. Ké toin arinwa dogé kuaba pena, ddé ji sua bua, teba arinwa goa kobi pena tunyong bua, kederé arinwa goi kobi pena tunyong bu’.

Gelé dong 8:2

Kardené ’enung sol kangiyong jurgum ga ba ’eré tumu Kumu, ké bigé tera jurgum.

Gelé dong 9:2

Désiddin lé hangu ’umbung go digé kuddung lé kibi, gesa andegang a duro ’umbung lé main gesa go tua do golé go gumu goi kain. Gesa lé lebu teba bua, kiddin ga dang belé delem serleg bu’.