Gelé dong 8:3 - Kebu go dore go herua 1978

³ Kangito go pena go ddang ’eré tumu dandang do tibé dang ’uria go luguinya goang tuna kobi, ké bi tuna nain ca kandia daiang olé go kalang ga Kumu kai kogé mam tebu ca dandang do luguinya do tumu pogu lé.

Gelé dong 8:3 Iomraidhean Croise

NO DO DDARI A KUABA LUK 1:10

Kiddin ga ddi wa ’ulé henga ga ddowa tuna a kulu na, kalang ga geddang mam yau dong wa olé.

MAKTUB DO PAUL TOI DO BA GIO GUSU GA ROM 8:34

Na wanga go kaidé kual caigé ga? Kema pena wo ’eno, cawa Jésu ma, ké beleiang cindi a duro ga maré bua, ddi jom wo ca Kumu kobi go barua bua, ddi wa olei caina bu’.

Hébero 7:25

Na ca ma kalang mam ga orang gusi ca oré gusu Kumu na, ddi bbal ca minyégé cakcak kua bera kuddum. Cawa ddi jomanga cindi, ddi wa olé Kumu caigé waindo waindo bu’.

Hébero 9:4

A duro kiddin ga sua lé na, ké nyiré dandang do luguinya do ulé suang go kajaju go dowa tuna bua, dang sundugu do luguinya do kebu go doré lé. A duro sundugu lé ké si ddarin do luguinya do ké si wo go ké ba tei man kené bua, dang cilang do Aron toi do ba laddu bua, dang keddang ga bbela go ké ba pasu kebu go doré gusi bu’.

Gelé dong 10:1

Kardené ’enung sol kangito go ddang go dono saga a dang gesingu dugo. Ddi huyogu gusi dang meddalin bua, dembelé wo cai bua, cindi main teba kain bua, gondi main tua kelanda do siberé kain.

Gelé dong 14:18

Kangito go ddang andegang com a ca dandang do tibé dang dono do tua a kobi. Ddi soi togé dang noi do osi pong, ddi yei ddi goang marem a kobi wa: Ji siang marem goin go ’yo. Ji wala delinya cawa sur doa wo goa go saddié tag tag na ’enda.

Gelé dong 5:8

Kiddin ga ddi ba ’yé cidab lé na, henga poddin gang cindegé, kang ga gemdong ga to sua ca poddin lé, ké poi gomdigé tumu Gagera lé, goni goni kau dang jangu doi dang ddarin do luguinya wonang tuna. To do poré, na olé go kalang ga Kumu kai kogé.

Gelé dong 6:9

Kardené Gagera lé hangu genjer go bai. ’Enung sol to dandang do tibé kalang keudigé ga ké ba deddegé, cawa ké ba dor kual go Kumu koi bua, na ké ga yo hendé do geddang bu’.

Gelé dong 7:2

’Enung sol kangito go ddang saga a toiné dang genjer go Kumu go jomang cindi koi. Ddi soi noi osu, ddi yégé kangiyong ga poddin ga ba ’yé dono do toinyé delinya dang kurai go gumu go ddoaga wa:

Gelé dong 8:4

Gesa go dowa tuna do ké ba ’uli ’yé dang daiang olé go kalang ga Kumu kai kogé a koba kangito go ba ’eré tumu Kumu.

Gelé dong 8:5

Kardené kangito lé ai ’uria goang tuna lé, ddi woniang tua do a ca dandang do tibé, ddi debigi duro delinya, kardené alé yé bua, nô yé bua, wulainyé wulain bua, gesong gigié bu’.

Gelé dong 9:13

Kardené kangito go jis lom tura doi. A ca dandang do tibé do luguinya do wo tumu Kumu na, ’enung jé nô yé a cambelda poddin.