Gelé dong 7:9 - Kebu go dore go herua 1978

⁹ Kardené na, ’enung sol kiddin com, ’enung sol kalang ga yaué combu ga ba ddi ddoginyé. Na kalang toigé mam bua, dang to moin go kalang kogé bua, dang kalang mam bua, dang kebu go kalang kogé mam bu’. Ké ’eré tumu pogu go Gagera koi, ké si badigé ga berong gusugé, kang keiyou go milin kua kobegé.

Gelé dong 7:9 Iomraidhean Croise

Gelé dong 5:9

Ké dé kera go herua, ké yé wa: Ji bbal ca ’yo cidab lé, Ca hangé genjer lé, Cawa ké kené deddin, Ji tor kalang dang kebardin bi Kumu. A to moin mam bua, dang kebu mam bua, Dang kalang mam bua, dang to gasa mam bu’,

Jâ 12:13

Ké wadelé garu habela, ké andong ’yé ca yalei, ké soi noigé, ké yé wa: Hormo na Kumu toi, Kumu si busu ca ddi go ba ’ergang gusong go Bagulong koi, Kumu si busu ca kelma go Israél.

Gelé dong 11:15

Kardené kangito go jurgum lom tura doi, nô combu yaga a dang yé wa: Cakcak kua na, leu do delinya toa bela do Bagulondena toi dang Krist goi, ddia ddi caigé waindo waindo bera kuddum.

Gelé dong 6:11

Ké bi kema goni goni badigé ga béré, ké yégé wa: Kandia bega gelalé sam ca golé karmégé dang kamdigé ga gié ga ka deddegé main nagé kain bbala jua.

Gelé dong 3:18

Na ca ma ’enung gejein ca ji kel luguinya do ké ba nyira a cin tua arin carara a kuabang ca ji belu go lainyong. Ji kel badigé ga béré ca so gusin ca bburogé dasé do gandela doin toa, ji kel kema go cin ca ji dubu cindin ca ji bbala solé kiddin.

MAKTUB DO PAUL TOI DO BA GIO GUSU GA ROM 11:25

Karmeng, ’enung dar ca keng sela kual go cindi go mendem lé kua toi ca ddo keng pedé gusugeng dang narua dogeng ’eno, ga Israél ga pena bbala solé kual lé toi ’eno, ama kual la lé main kain bera ca kalang ga toigé ddang wa minyé jua.

NO DO DDARI A KUABA LUK 21:36

Ga jimageng dang cindegeng yoal yoal, ga ulageng waindo waindo ca keng waia dono do nyurodé a duro henga lé mam, ga wa orang bo caigeng ca keng da ’eré tumu Kema Kurondi.

NO DO DDARI A KUABA LUK 12:1

A duro wolé lé na, kalang bub bub yau bera ké ddoderé gusugang gondigé. Tumu jua, Jésu yégé anjama gai wa: Ga lageng angalang subugu do Parisié togé, to do poré, na babé gogé.

Gelé dong 4:4

Pogerong to sua ca poddin luré pogu lé dugo. Kalang ga gemdong to sua ca poddin dang jomé caigé dang badigé ga berong gusugé bua, dang gundurong ga luguinya caigé bu’.

Hébero 12:22

Ama keng caga ’yoabang kubung go Sion, dang gulong go Kumu go jomang cindi koi, na Jorsalem do dang ni doang kangiyong dubu dubu combu.

Hébero 11:12

Kiddin ga ddi ba ji ’yoab ca maré na, kema go pena lé belé goang moinderei combu. Ké combu main desiddiyong ga dang kain bua, main kelai go kebu kurai go gumu go ddoaga kain bu’.

Epésié 6:13

Na ca ma, ga segeng henga ga kembel ga Kumu kai gusugeng mam. Main kain na, kiddin ga wolé go isini nia ’erga na, keng da bbal ca ’eré gag dang go tebena go wa daré ca toinyegeng. Kiddin ga kenga worin kembel bera ka na, ga ’ergeng gag.

Gelé dong 5:11

’Enung sol kiddin com, kardené ’enung jé kangiyong combu noigé. Ka dubu dubu combu, kema bbal ca ddoginyégé ’eno. Henga gang cindegé dang ga gemdong lé, ké ’eré luré pogu dugo kudab.

Gelé dong 7:8

Kalang dubu moac ca sua ga a to moin go Sabulon koi bua, kalang dubu moac ca sua ga a to moin go Josép koi bua, kalang dubu moac ca sua ga a to moin go Bénjamin koi bu’.

Gelé dong 22:3

Ka wa bbesé go Kumu koi a duro gulong go gumu lé ’eno bering. Pogu go Kumu koi dang Gadera koi da jom kené. Ga gié ga Kumu kai da melaui.