Gelé dong 7:3 - Kebu go dore go herua 1978

³ Ddo keng toinyé delinya ’eno bua, dang kurai go gumu go ddoaga ’eno bua, dang haiyong ’eno bu’, bera ni si genjer tumu ga gié ga Kumu guana kai jua.

Gelé dong 7:3 Iomraidhean Croise

Matié 24:22

Kumu nia jiga wolé lé ddoginyé ’yoab ’eno na, kema pena ni go minyé ’eno, ama ddi jiga wolé lé ddoginyé goi yoaba ca kalang ga ddi ba pargé ca gusi.

Matié 24:31

Ddia gigu kangiyong gai, ka lom tura do yo nain. Ka yau kalang gai ga paré a delinya temdo do poddinyang mam.

Jâ 12:26

Kema nia dar ca lo gié guang na, na gad ddi kubang, cawa kiddin ga ’enunga jom kené na, kuang go gié kau da jom kené bu’. Kema go lo gié guang na, Bang da bi hormo.

Jâ 3:33

Kema go ba yé hendé doi na, ddi sol ca Kumu ya cindi.

MAKTUB DO PAUL TOI DO BA GIO GUSU GA ROM 6:22

Ama cakcak kua ké torgeng a duro isinwa, keng la gié go Kumu koi, keng wa oré duro jomé goang cindegeng go arin carara, to do karé na, jomé goang cindegeng bera kuddum.

Gelé dong 13:16

Kalang mam, karang dang gemdong, kalang ga lainyong, dang kalang ga nyagé, dang goiyong, dang kalang ga talagai mam, gijong lé sigé ca kandia ’ya genjer kobegé go barua dang tumoigé.

Gelé dong 13:17

Kema go basé genjer lé na, ddi go bbalé ca kelé henga ’eno bua, ddi go kelé henga gai cong ’eno bu’. Genjer lé toi do poré na, na gijang lé gusondi dang gusondi ddoginyé goi.

Gelé dong 14:1

Kardené ’enung sol kiddin com, ’enung sol Gagera dang ’eré ca kubung go Sion dang kalang gai dubu aru dang dubu to poddin ca poddin. Ké pasu gusondi dang Bai gusondi tumoigé.

Gelé dong 14:9

Kangito go subu mondi go sua, ddi yé kual dang nô do osi pong, ddi yé wa: Kema goni goni go melaué gijang, dang kula go ké ba nyirei gené main gijang lé kain, dang ké ga ’yo genjer tumoigé kau kobegé na,

Gelé dong 19:2

Kual goi go kaidé na cindiang geddang bu’, cawa ddi kaidé kual ca tama do podelo do tungu do toinyé delinya dang béli doa. Ddi kaidé kual ca to deddu ga gié ga Kumu kai.

Gelé dong 20:4

Kardené ’enung sol pogerong, kalang ga jomé ca pogerong lé na, ké bigé dono do kaidé kual, kalang ga ké ba deddegé ca ké ba dor kual go cindi go Jésu koi go ddi ba gelegé waldong wang, dang kual go Kumu koi, ’enung sol keudigé, na kalang ga ba melaua gijang dang kula go ké ba nyirei gené main nai kain lé ’eno bua, na ké ga ’yo genjer go gijang koi tumoigé dang kobegé ’eno bu’. Ké belegé a duro ga maré dang cindegé, ké di termala dang Krist ddegelé dubu lé.

Gelé dong 22:4

Ka sol cindi bua, ka pasu gusondi tumoigé bu’.

Gelé dong 6:6

’Enung jé henga main nô do ba saga a duro henga poddin gang cindegé yé wa: ’Engo dura pena do kiji na, na ca boié go ca gié go wolé pena. ’Engo dura subu do mogai na ca boié go ca gié go wolé pena bu’, ama ddo keng toinyé suang dang sur kangndo ’eno.

Gelé dong 7:1

Kardené ’enung sol kangiyong dang ’eré ca delinya cembelda poddin. Ké nar kal go delinya kua poddin, ca ddoi ddi yo duro delinya ’eno bua, ddi yo ca kurai go gumu go ddoaga ’eno bua, ddi yo ca sia goni goni ’eno bu’.

Gelé dong 7:2

’Enung sol kangito go ddang saga a toiné dang genjer go Kumu go jomang cindi koi. Ddi soi noi osu, ddi yégé kangiyong ga poddin ga ba ’yé dono do toinyé delinya dang kurai go gumu go ddoaga wa:

Gelé dong 9:4

Ddi yégé wa: Kandia toinyé hademé ’eno bua, haiyong ’eno bua, gasa gani gani ga a duro yagé ’eno bu’, ama kalang gang genjer go Kumu koi tumoigé ’eno na, kandia tunyaga ké mera.