Gelé dong 4:9 - Kebu go dore go herua 1978

⁹ Kiddin gani gani ga henga poddin gang cindegé lé na, wa boi ddi go jomé ca pogu goang cindi bera kuddum dang désé na,

Gelé dong 4:9 Iomraidhean Croise

Hébero 7:25

Na ca ma kalang mam ga orang gusi ca oré gusu Kumu na, ddi bbal ca minyégé cakcak kua bera kuddum. Cawa ddi jomanga cindi, ddi wa olé Kumu caigé waindo waindo bu’.

Hébero 7:8

Kalang ga tibé Kumu na, ké ’yé henga kebegé pena a duro moac, ama kardené ké ma, ama kual go Kumu koi yé wa: Mélkisédék ’yé henga kebegé pena a duro ga moac, ama ddi mara ’eno.

Gelé dong 1:18

’Enung danga cindung, ’enung kené ma tumu, ama cakcak kua na, ’enung danga cindung bera kuddum. ’Enung danga dono ca maré bua, ca kalang ga maré a duro ligiam bu’.

Gelé dong 10:6

Ddi bbesé gusiang Kumu go jomang cindi bera kuddum gusondi, na ddi go debé dangang henga ga dura mam bua, dang gesong, dang henga ga a duroigé mam bua, dang kang, dang henga ga cindegé mam bu’. Kangito lé yé waldong wang: Amé go ddang ja ’eno.

Gelé dong 15:7

Kardené pena a duro henga ga poddin gang cindegé, bigé kangiyong ga jurgum lé ’uria go luguinya jurgum, wonang mainyé do Kumu go jomang cindi waindo waindo bera kuddum toi.

Gelé dong 21:5

Kardené ddi go jom ca pogu lé yé waldong wang, ddi yé wa: Cakcak kua na, ’enung lé henga mam herua, kardené ddi yeng wa: Ji pasa kual lé kua, cawa kual guang na kual go cindi dang kual go geddang bu’.

Gelé dong 4:2

Kuabang padda Habé ga Kumu kai wonung, ’enung sol pogu go pena a dang ni, kema dang jomé cai.

Gelé dong 4:8

Henga gang cindegé ga poddin lé na, goni goni kau danga majemé jis jis, cindegé ga solé kiddin wo gusu majemé lé combu dong dang duroiné. Teba dang soindo na, ké wada dang kera go dogé ’eno. Ké yé wa: Arin carara, arin carara, arin carara, Bagulong Kumu go dono mam, Ddi go kené tumu din bua, ddi go cakcak kua bua, Ddi go da ’erga bu’.

Gelé dong 5:1

Ddi go jomé ca pogu lé na, ’enung sol cidab dang temdé a kobi go barua, toang pasé dura dang kardo dong bu’. Ké silinya dang genjer jurgum guso.

Gelé dong 6:16

Ké yé kubung dang keddang wa: Ga begang caini, keng wosini cong ca ddo ddi go jomé ca pogu lé soleniang cindi ’eno bua, ddo mainyé do Gagera lé toi bo caini ’eno bu’.

Gelé dong 7:15

Na ca ma, ké ’eré tumu pogu go Kumu koi, ké wa loi gié tebang soindo a duro kulu goi go yaué. Ddi go jomé ca pogu lé jom duroigé ca magegé pédedé.