Gelé dong 4:4 - Kebu go dore go herua 1978

⁴ Pogerong to sua ca poddin luré pogu lé dugo. Kalang ga gemdong to sua ca poddin dang jomé caigé dang badigé ga berong gusugé bua, dang gundurong ga luguinya caigé bu’.

Gelé dong 4:4 Iomraidhean Croise

Matié 19:28

Jésu yégé wa: ’Enung wa yogenga waldong wang: Kiddin ga Kema Kurondi da jom ca pogu goi go hormo a duro delinya do herua na, keng ga moac ca sua ga wa kuabang na, keng da jom ca pogerong moac ca sua ca kaidé kual ca to moin to Israél kai ga moac ca sua.

NO DO DDARI A KUABA LUK 22:30

Keng da di, keng da si dang nang a duro Leu duang, keng da jom ca pogurong ca kaidé kual ca to moin ga Israél kai ga moac ca sua.

2 Timoté 4:8

Ama cakcak kua na, boié go ca gié guang wa amang wo kené, na gundu go geddang go Bagulong go kaidé kual go geddang da bung a duro wolé lé na, ddia bunga ’enung mera ’eno, ama ddia bigé ké ga wa amé jogang dang kederé ’yo.

Gelé dong 11:16

Kardené gemdong ga to sua ca poddin ga jomé ca pogerong gagé tumu Kumu aserdong kembié cindegé dugo, ké melau Kumu.

Gelé dong 14:3

Kalang ga combu lé na, ké ’eré wa tumu pogu dang henga ga poddin gang cindegé, dang gemdong ga moac ca sua lé bu’, ké wa dogé kera go herua. Kema goang dono do solé dogé kera lé wo ’eno, na kalang ga dubu aru dang dubu to poddin ca poddin ga ké ba torgé a duro delinya mera.

Gelé dong 19:14

Asengeriyong ga dang ni ga koboi na, ké jom ca hondong ga berong, ké si badigé ga lemaddu ga berong teréc gusugé.

Gelé dong 19:4

Kalang ga gemdong ga to sua ca poddin bua, dang henga poddin gang cindegé bu’, ké poi gomdigé dugo, ké melauwu Kumu go jomé ca pogu, ké yé wa: Amin, ga debainya Kumu.

Gelé dong 2:10

Gelé go cin go da waiin na, ji lo muro cai ’eno, sela, Sidan da bé kalang ga pena a duroigeng duro gerngang ca gesauegeng. Keng da gel cin wolé moac. Ji nia jom geddang bera ji ma na, ’enunga bin gendu go jomang cindin.

Gelé dong 20:4

Kardené ’enung sol pogerong, kalang ga jomé ca pogerong lé na, ké bigé dono do kaidé kual, kalang ga ké ba deddegé ca ké ba dor kual go cindi go Jésu koi go ddi ba gelegé waldong wang, dang kual go Kumu koi, ’enung sol keudigé, na kalang ga ba melaua gijang dang kula go ké ba nyirei gené main nai kain lé ’eno bua, na ké ga ’yo genjer go gijang koi tumoigé dang kobegé ’eno bu’. Ké belegé a duro ga maré dang cindegé, ké di termala dang Krist ddegelé dubu lé.

Gelé dong 3:18

Na ca ma ’enung gejein ca ji kel luguinya do ké ba nyira a cin tua arin carara a kuabang ca ji belu go lainyong. Ji kel badigé ga béré ca so gusin ca bburogé dasé do gandela doin toa, ji kel kema go cin ca ji dubu cindin ca ji bbala solé kiddin.

Gelé dong 4:10

ga gemdong ga to sua ca poddin poi gomdigé tumu ddi go jomang cindi bera kuddum lé, ké melaué bua, ké tor gunderong gagé begé tumu pogu goi, ké yé wa:

Gelé dong 4:6

A tumu pogu lé na, henga wo kené main kurai go gumu go ddoaga kain piyong ’yel ’yel main kunjel kain, arin carara main henga ga ké ba tégé Kristal kain bu’. Henga dang cindegé wo kené poddin. Cindegé ga solé kiddin wo kené tumoigé dang mengaigé combu. Ké luré pogu lé dugo kudab durdi doni doni mam.

Gelé dong 5:11

’Enung sol kiddin com, kardené ’enung jé kangiyong combu noigé. Ka dubu dubu combu, kema bbal ca ddoginyégé ’eno. Henga gang cindegé dang ga gemdong lé, ké ’eré luré pogu dugo kudab.

Gelé dong 5:14

Henga poddin gang cindegé lé jogu yé wa: Amin. Ga gemdong lé poi gomdigé dugo, ké melaui.

Gelé dong 5:6

Kardené ’enung sol Gagera dang ’eré a gusu pogu lé. Henga ga Kumu ba debegé lé mainya go maré kain. Ddiang kebong jurgum, dang cindi jurgum. To do poré na habé jurgum ga Kumu ba gigigang a duro delinya mam.

Gelé dong 5:8

Kiddin ga ddi ba ’yé cidab lé na, henga poddin gang cindegé, kang ga gemdong ga to sua ca poddin lé, ké poi gomdigé tumu Gagera lé, goni goni kau dang jangu doi dang ddarin do luguinya wonang tuna. To do poré, na olé go kalang ga Kumu kai kogé.

Gelé dong 6:11

Ké bi kema goni goni badigé ga béré, ké yégé wa: Kandia bega gelalé sam ca golé karmégé dang kamdigé ga gié ga ka deddegé main nagé kain bbala jua.

Gelé dong 7:11

Kangiyong mam dang ’eré luré pogu lé bua, dang gemdong bua, dang henga poddin gang cindegé bu’, ké aserong tumu pogu, ké kembé cindegé cin gesong, ké melawu Kumu.

Gelé dong 7:9

Kardené na, ’enung sol kiddin com, ’enung sol kalang ga yaué combu ga ba ddi ddoginyé. Na kalang toigé mam bua, dang to moin go kalang kogé bua, dang kalang mam bua, dang kebu go kalang kogé mam bu’. Ké ’eré tumu pogu go Gagera koi, ké si badigé ga berong gusugé, kang keiyou go milin kua kobegé.

Gelé dong 9:7

Sabu do ku lé na, ké gené mainya hondong ga ké ba nyangé ca worinyé kembel kain. Henga main gundu go luguinya kain wo caigé bua, cindegé gené mainya kalang cindegé kain bu’.