Gelé dong 4:2 - Kebu go dore go herua 1978

² Kuabang padda Habé ga Kumu kai wonung, ’enung sol pogu go pena a dang ni, kema dang jomé cai.

Gelé dong 4:2 Iomraidhean Croise

Matié 22:43

Ddi yégé wa: Dabid bang a gusu Habé ga Kumu kai tei Bagulonga mena ga? Dabid yé wa:

Hébero 8:1

Kual toi do ni ba yei lé go ddo kual mam woi kua. Nanga gumu go tibé Kumu, ddi jom wa dang ni dur Kumu go dono go ddo mam pogu goi kobi go barua.

Gelé dong 1:10

A duro wolé go Bagulong koi na, Habé ga Kumu kai wonung, ’enung jé nô do yo kual a kardung osu pong, main tura kain.

Gelé dong 12:5

Tama lé wo kuranda, ddia ddi ca kalang cindegé kaindigé kaindigé mam dang cilang do helma, ama ké ai kuranda lé ’yang nai gusu Kumu kang pogu goi.

Gelé dong 17:3

Habé ga Kumu kai wonung, kardené kangito aiyung ’yang nang duro gada, ’enung sol tama do pena dang jomé ca gijang go yilé go ba huiyogu gusi dang gusong go isini go nyangdié Kumu. Gijang lé danga cai jurgum dang kebong moac.

Gelé dong 19:4

Kalang ga gemdong ga to sua ca poddin bua, dang henga poddin gang cindegé bu’, ké poi gomdigé dugo, ké melauwu Kumu go jomé ca pogu, ké yé wa: Amin, ga debainya Kumu.

Gelé dong 20:11

Kardené ’enung sol pogu go gumu go béré, dang ddi go jomé cai. Delinya dang dang ger wo ’eno tumoi, ké selagé ddang com ’eno.

Gelé dong 21:10

Habé ga Kumu kai wonung, kangito aiyung ’yang nang ca kubung go gumu go suguddong. Ddi gelung gulong go gumu go arin carara. Jorsalem do ba saga a dang gesingu dugo, to saga a gusu Kumu.

Gelé dong 21:5

Kardené ddi go jom ca pogu lé yé waldong wang, ddi yé wa: Cakcak kua na, ’enung lé henga mam herua, kardené ddi yeng wa: Ji pasa kual lé kua, cawa kual guang na kual go cindi dang kual go geddang bu’.

Gelé dong 3:21

Kalang ga ddi na, ’enunga bigé kiddin ga jomé ca pogu guang daiang nang. Main ’enung ba ddi ma, Bang ba bungang kiddin ga jomé ca pogu goi daiang nai kain bu’.

Gelé dong 4:10

ga gemdong ga to sua ca poddin poi gomdigé tumu ddi go jomang cindi bera kuddum lé, ké melaué bua, ké tor gunderong gagé begé tumu pogu goi, ké yé wa:

Gelé dong 4:5

Wulainyé dang nô do yo kual, dang alié wa andongang a gusu pogu lé. Tua wo kené jurgum tumu pogu lé, na Habé ga Kumu kai jurgum.

Gelé dong 4:9

Kiddin gani gani ga henga poddin gang cindegé lé na, wa boi ddi go jomé ca pogu goang cindi bera kuddum dang désé na,

Gelé dong 5:1

Ddi go jomé ca pogu lé na, ’enung sol cidab dang temdé a kobi go barua, toang pasé dura dang kardo dong bu’. Ké silinya dang genjer jurgum guso.

Gelé dong 5:13

Henga mam ga Kumu ba debegé a dang ni bua, dang duro delinya bua, dang to gesong bua, dang cin kurai go gumu bu’, ’enung jé, ké mam wa dogé kera, ké yé wa: Ddi go jomé ca pogu kang Gagera lé na, Ké bbal ca ’yo debainyé, dang hormo, dang melaué, Dang dono waindo waindo bera kuddum.

Gelé dong 6:16

Ké yé kubung dang keddang wa: Ga begang caini, keng wosini cong ca ddo ddi go jomé ca pogu lé soleniang cindi ’eno bua, ddo mainyé do Gagera lé toi bo caini ’eno bu’.