Gelé dong 4:1 - Kebu go dore go herua 1978

¹ Kardené kiddin ga ’enung ba sol kiddin na, ’enung sol kulu kibi go a dang ni hangong. Nô do tumu do ’enung ba ja main tura kain na, to yeng wa: Ji nang wo ké, ’enung gelein henga ga ddain da lé.

Gelé dong 4:1 Iomraidhean Croise

Matié 3:16

Kardené Jâ jé kual goi. Kiddin ga ddi ba disé Jésu to kang na, ddi nai dang a cin kang. A kiddin lé padda dang hangong, ddi sol Habé ga Kumu kai gesingu cai main bulo kain.

Mark 1:10

Kobipadda kiddin ga ddi ba nai dang a cin kang na, ddi sol dang hangong, Habé gesinyang cai main bulo kain.

NO DO DDARI A KUABA LUK 3:21

Kiddin ga ké ba disé kalang mam to kang na, kardené ké disé Jésu to kang bu’. Kiddin ga ddi wa olé dang hangong.

Jâ 16:13

Kiddin ga Habé ga cindi nia ’erga na, ka gelgeng kual go cindi mam, ké go yo kualang macaigé ’eno, ama ké ca yoa kual mam go ké ba jagai, ka yageng kual go wa orang bu’.

GIÉ GO PAJERONG GA GIÉ KOGÉ 10:11

Ddi sol dang hangong, henga wol main badigé ga gumu kain wa gesinyang dugo ca gesong dang temdigé poddin.

GIÉ GO PAJERONG GA GIÉ KOGÉ 7:56

Ddi yé wa: Selageng, dang hangong, ’enung sol Kema Kurondi dang ’eré ca Kumu kobi go barua.

Gelé dong 1:10

A duro wolé go Bagulong koi na, Habé ga Kumu kai wonung, ’enung jé nô do yo kual a kardung osu pong, main tura kain.

Gelé dong 1:12

’Enung polin mengang ca solé kema go wa yoang kual lé, ama ’enung sola tua do luguinya jurgum.

Gelé dong 1:19

Ji pasa henga ga ji wa solegé lé kua, na henga ga wa halé cakcak kua bua, dang henga ga da ’erga bu’.

Gelé dong 11:12

Kardené ga cogelé kebu ga sau lé da jé nô do osi do ba saga a dang yégé wa: Ga nagengang dang kua, ké nai dang ni duro meddaliyong, kalang gagé ga tebena solgé dang cindegé.

Gelé dong 11:19

Kardené kulu go yaué go Kumu koi go a dang ni kibi hangong cong, ké sol sandugu do kebu go doré a duro kulu goi go yaué lé. Kardené wulainyé wulain bua, nô yé kual bua, alé yé bua, gesong gigié bua, gerai go gemdong bega dugo bu’.

Gelé dong 16:17

Kangito go jurgum bé mainya do Kumu toi do duro ’uria duro kal. Nô do osi yaga a ca pogu go a duro kulu go yaué go Kumu koi, to yé wa: Henga lé ka ’enda.

Gelé dong 19:11

Kardené ’enung sol dang hangong, ’enung sol henda go béré, ddi go jomé ca henda na, ké teia Geddang dang Go Cindi, ddi kaidé kuala go geddang bua, ddi worin kembel danga geddang bu’.

Gelé dong 22:6

Kardené kangito yeng wa: Kual lé na kual go cindi bua, dang go geddang bu’. Bagulong Kumu go ba bigé ga cogelé kebu goi habé gai, ddi gigu kangito goi ca kondia gelgé ga gié gai henga ga ddain da ’erga.