Gelé dong 3:4 - Kebu go dore go herua 1978

⁴ Ama kalang ga pena wo kené a duroigeng a Sardé ga ba belu badigé gagé kenwa ’eno, ka ’yé daiang nang dang badigé ga berong gusugé cawa ké bbala kerab.

Gelé dong 3:4 Iomraidhean Croise

Matié 10:11

Kiddin ga kenga andong duro gulong go gumu kau gulong go wusin na, ga dara kema go ’yogeng yalegeng orang tai. Keng jom kené bera kenga sai ’yé.

Mark 16:5

Ké andong duro ’umbung, ké sol marna dang jomé ca kuaba go barua, ddi si badigé ga béré gusi, ké piyong muro.

NO DO DDARI A KUABA LUK 20:35

Ama bainyong kang kandu ga ba bbal ca belé a duro ga maré dang cindegé na, ké go ’yo gusugé a duro saman do wa orang ’eno.

NO DO DDARI A KUABA LUK 21:36

Ga jimageng dang cindegeng yoal yoal, ga ulageng waindo waindo ca keng waia dono do nyurodé a duro henga lé mam, ga wa orang bo caigeng ca keng da ’eré tumu Kema Kurondi.

GIÉ GO PAJERONG GA GIÉ KOGÉ 1:15

Duro wolé lé kalang ga bu cindi yau, ké main aru dang to sua kain, Piér sai ’eré duroigé, ddi yégé wa:

2 Tasalonisié 1:5

Kua, na hendé go gelana kual go kaidé go Kumu koi go geddang, ca ké gesegeng kalang ga bbalé ca andong duro Leu doi, do keng wa wai gelé go cin ca.

MAKTUB DO JUD TOI 1:23

Ga nyimang kané a cin tua, ga mingé, ga selageng kané nyageigé dang muro kain bu’, ama ga kainyageng badigé gagé ga ké ba toingang kenwa go tabelang do isinwa do gusugé cong.

Gelé dong 1:11

To yé wa: Henga ga ji wa solegang lé na, pasagé duro cidab, ji gi cidab lé gusu yaué go Kumu koi go jurgum lé kua, Epés, dang Samir, dang Pergam, dang Tiatir, dang Sardé, dang Piladélpi, dang Laudesi.

Gelé dong 11:13

Kobegepadda gesong gigié nain, gulong lé kobi pena tusong, ddé ji tigesu, gesong gigié lé deddé kalang dubu jurgum. Kalang ga ji na, ké bi Kumu go dang ni hormo.

Gelé dong 14:4

Na ké ga ba magu gusugé arin carara ca béli lo gua, ké ’ya kandu ’eno bu’. Na ké ga wa kobé Gagera a kiddin gani gani ga ddi wa oré kené. Ké torgé a duro kalang ca boi Kumu kang Gagera tumu jua.

Gelé dong 19:14

Asengeriyong ga dang ni ga koboi na, ké jom ca hondong ga berong, ké si badigé ga lemaddu ga berong teréc gusugé.

Gelé dong 19:8

Ké bo dono do ca to si badigé ga lemaddu guso ga arin carara go poiyang biddid biddid. (Badigé ga lemaddu lé na, gelna gié go geddang go kalang ga Kumu kai kogé.)

Gelé dong 3:18

Na ca ma ’enung gejein ca ji kel luguinya do ké ba nyira a cin tua arin carara a kuabang ca ji belu go lainyong. Ji kel badigé ga béré ca so gusin ca bburogé dasé do gandela doin toa, ji kel kema go cin ca ji dubu cindin ca ji bbala solé kiddin.

Gelé dong 3:5

Kalang ga ddi na, ka si badigé ga berong gusugé bua, ’enung go yudé gusondigé a duro cidab doang cindo cong ’eno. ’Enunga té gusondigé tumu Bang dang kangiyong gai bu’.

Gelé dong 4:4

Pogerong to sua ca poddin luré pogu lé dugo. Kalang ga gemdong to sua ca poddin dang jomé caigé dang badigé ga berong gusugé bua, dang gundurong ga luguinya caigé bu’.

Gelé dong 6:11

Ké bi kema goni goni badigé ga béré, ké yégé wa: Kandia bega gelalé sam ca golé karmégé dang kamdigé ga gié ga ka deddegé main nagé kain bbala jua.

Gelé dong 7:9

Kardené na, ’enung sol kiddin com, ’enung sol kalang ga yaué combu ga ba ddi ddoginyé. Na kalang toigé mam bua, dang to moin go kalang kogé bua, dang kalang mam bua, dang kebu go kalang kogé mam bu’. Ké ’eré tumu pogu go Gagera koi, ké si badigé ga berong gusugé, kang keiyou go milin kua kobegé.