Gelé dong 3:2 - Kebu go dore go herua 1978

² Ji lebu dang a to kung, ji ’er usa gag dang henga ga toigé ba ji kobin ca, ddo henga lé maré cong mam ’eno, cawa ’enung sela gié goin bbalé kerab tumu Kumu guang ’eno.

Gelé dong 3:2 Iomraidhean Croise

Matié 23:5

Ké lé gié gogé mam ca kalanga selagé. Ké poi laia do wodelong dang ddoginyé go a duro kual go Kumu koi, ké saddié tumoigé dang telaigé, ké cogen badigé gagé ga gemdong suguddong ’yé togeldégé dugo.

Matié 25:13

Jésu yégé com, ga jimageng ’yoal ’yoal, cawa keng sela wolé kau kiddin ga Kema Kurondi da ’erga ’eno.

Matié 25:7

Kamlé ga moac lé lebedé dang, ké osum nyandé ’uria gagé ga so tua lé.

GIÉ GO PAJERONG GA GIÉ KOGÉ 18:23

Ddi jomang nagé sam, kardené ddi dal ca gesong ga Galat dang Prigi ca ddia bogé anjama dono.

1 Piér 4:7

Henga mam toigé do karé ji ’yoab. Ga jimageng dang angal bua, dang narua yoal yoal duro olé bu’.

1 Piér 5:8

Ga jimageng narua yoal yoal dang cin asua, cawa kogeng go tebena Sidan wa soberé kiddin main gijang go dogé ’enderé kain, ca daré kema go ddia sai di.

Gelé dong 16:15

Sela, ’enung wa orang main koié kain. Kema go jomé ’yoal ’yoal go magé badigé gai ddar na, ddianga gusu mowa, ddi go oré gandela toi kalin dang dasi tumu kalang ’eno.

Gelé dong 2:4

’Enung dang kual pena cain, na ca ji ba ddé kederé ’yo gain ga tumu cong.

Gelé dong 3:1

Ji pasa kual lé gusu kangito go magé yaué go Kumu koi go a Sardé. Kua, na ddi goang Habé ga Kumu kai jurgum dang desiddiyong jurgum lé kual goi go yo waldong wang: ’Enung sol henga gain ga lo mam. ’Enung sol ca kalang yé wa: Jianga cindin ama ji ma maré.

Gelé dong 3:3

Ji ’eremang gelé go ji ba jei bua, ji bega kibin ca isinwa doin bu’. Ji nia lebu dang a to kung ’eno na, ’enung da ’erga main koié kain, ji go solé kiddin ga ’enung da ’erga waiin ’eno.