Gelé dong 3:1 - Kebu go dore go herua 1978

¹ Ji pasa kual lé gusu kangito go magé yaué go Kumu koi go a Sardé. Kua, na ddi goang Habé ga Kumu kai jurgum dang desiddiyong jurgum lé kual goi go yo waldong wang: ’Enung sol henga gain ga lo mam. ’Enung sol ca kalang yé wa: Jianga cindin ama ji ma maré.

Gelé dong 3:1 Iomraidhean Croise

NO DO DDARI A KUABA LUK 15:24

Cawa ’enung sol kurondang lé kua, main kondia ma kain ’enda, ama ddi belguang cindi, ddi kaiyong, ama ’enung jogu waii. Ké osum lo sorang gusu mowa.

NO DO DDARI A KUABA LUK 15:32

Ama na gad na logeng sorang gusu mowa ca kermin go ’enung ba sol main kondia ma kain ’enda, ama ddi belguang cindi, ddi kaiyong, ama ’enung jogu waii.

Jâ 1:16

Na mam wai busu duana cainé ddang ddang, na ca wai doi do lainyong.

Jâ 1:33

Ama ’enung selai na kondia lé ’eno dé, ama Kumu go ba gigengang ca disé kalang to kang na, ddia yoang wa: Kema go jia soli Habé na gesin jom cai na, na ddi go da disé kalang dang Habé ga Kumu kai.

Jâ 20:22

Kiddin ga ddi ba yégé kual lé kain na, ddi pi habé caigé, ddi yégé wa: Ga ’yageng Habé ga Kumu kai.

Jâ 3:34

Ddi go Kumu ba gigi na, ddi ya kual go Kumu koi, cawa Kumu woni danga Habé gai.

GIÉ GO PAJERONG GA GIÉ KOGÉ 2:33

Ké aii dang a Kumu kobi go barua, Ba bi Habé gai ga arin carara main ddi ba dori kebu caigé lé, ddi sai begagé caini, kua na henga ga keng wa solegang cindegeng bua, keng wa jogang semaigeng cakcak kua bu’.

Epésié 2:1

Tumu na, keng ma maré ca wané dogeng bua, ca isinwa dogeng bu’.

Epésié 2:5

Cawa kiddin ga na ba ma ca wané doana na, ddi belena dang cindena daiang Krist, Kumu minyegenga ca wai doi.

Kolosié 2:13

Tumu na, keng ma maré ca isinwa dogeng bua, kenga ga basé walé mandeli bua, kenga kalang ga toigé ddang bu’. Ama cakcak kua Kumu begeng jomé goang cindegeng daiang Krist bua, Kumu burogu isinwa duana mam bu’.

1 Timoté 5:6

Wambu do waié do a gusu tabelang do guso na, to danga cindo kua na, to ma maré ’enda.

MAKTUB DO JAK TOI 2:26

Na main habé wo ’eno ma, gusu ba ma dang kain, bo cindi basé gié go lo na, ma maré main kain bu’.

1 Piér 1:11

Ké angel kual lé toi ca ka solé saman dang kiddin ga henga lé ddainya da lé, cawa Habé ga Krist kai ga wo ddaindegé ga ba gelgé ca gelé go cin go ka geli Krist bua, dang hormo do ka biang na karu bu’.

MAKTUB DO JUD TOI 1:12

Kalang lé na, ké mainya henga ga madagi kain a duroigeng, a kiddin gageng ga do do go wai dang gusugeng, dasi lagé ’eno, ké la henga ga ca gusugé mera, ké mainya meddaliyong ga kal ba dorgé ga basé hongé kang kain. Ké mainya haiyong ga basé wo kain, kiddin turboi kau, ké go wo ’eno. Ké ma mainya haiyong ga ké torgang gaserégé kain.

Gelé dong 1:11

To yé wa: Henga ga ji wa solegang lé na, pasagé duro cidab, ji gi cidab lé gusu yaué go Kumu koi go jurgum lé kua, Epés, dang Samir, dang Pergam, dang Tiatir, dang Sardé, dang Piladélpi, dang Laudesi.

Gelé dong 1:16

Ddiang desiddiyong jurgum a kobi ga barua, gesengar go kégé sua andegang a kebi. Tumoi piyong biddid biddid main teba do duro gulong ddar kain.

Gelé dong 1:20

Kua, na mendem lé toa do poré, ca desiddiyong ga jurgum ga ji ba solgé a kuabang go barua lé, dang tua do jurgum do luguinya lé. Desiddiyong ga jurgum lé na, na kangiyong ga yaué go Kumu koi go jurgum. Tua do jurgum lé na, na yaué go jurgum go Kumu koi.

Gelé dong 1:4

Na ’enung Jâ, ’enung pasu cidab lé kua ca yaué go Kumu koi go jurgum go a ca gesong ga Asi. Dda Kumu lageng waiang jalua juam, na ddi go wo kené cakcak kua bua, na ddi go kené tumu din bua, na ddi go da ’erga bu’, dang habé ga jurgum ga a tumu pogu goi,

Gelé dong 2:13

’Enung sol kiddin gain ga jomé, na kiddin ga pogu go Sidan koi wo kené. Ji si ddaindin cang ddar bua, ji dda bo cindi cang cong ’eno bu’. A duro saman do Antipas go ba yé hendé do geddang cang kau, ji lé main kain, na ddi go ké ba deddi a duroigeng a kiddin ga Sidan ba jom kené.

Gelé dong 2:19

’Enung sol henga gain ga lo mam, dang kederé ’yo gain bua, dang geddang goin bua, dang ’yomé go ddaindin bu’. ’Enung sol ca gié goin go cakcak kua na, ddi go tumu.

Gelé dong 2:2

’Enung sol henga mam ga ji ba légé. ’Enung sol gié goin go homé go ji wa loi, dang ’yomé go ddainya. ’Enung sol ca ji dda kalang ga isindong ’eno. Ji gesau kalang ga wa togé gusugé, na ka pajerong ga gié, ama ji waigé ka kalang ga poi.

Gelé dong 2:9

’Enung sol gelé goin go cin bua, ’enung sol nyagé doin do ji wa loa bu’, ama ’enung solin mainya kema go lainyong kain. ’Enung sol kual go isini go kalang wa yoi cain, ké ga wa togé gusugé na ka ga Juib, ama ka ga Juib ’eno, ka yaué go Sidan kai.

Gelé dong 3:15

’Enung sol henga gain ga lo mam. ’Enung sol jia jalua ’eno bua, jia ’elua ’eno bu’. ’Enung dar ca ji jima jalua, kau ’elua.

Gelé dong 3:2

Ji lebu dang a to kung, ji ’er usa gag dang henga ga toigé ba ji kobin ca, ddo henga lé maré cong mam ’eno, cawa ’enung sela gié goin bbalé kerab tumu Kumu guang ’eno.

Gelé dong 3:8

’Enung sol henga gain ga lo mam. ’Enung sol ca dono doinya bbani, ama ji magu kual guang bua, ji kainya gusandang cong ’eno bu’. Sela, ’enung hangin kebu go kema pena bbal ca lebei ’eno.

Gelé dong 4:5

Wulainyé dang nô do yo kual, dang alié wa andongang a gusu pogu lé. Tua wo kené jurgum tumu pogu lé, na Habé ga Kumu kai jurgum.

Gelé dong 5:6

Kardené ’enung sol Gagera dang ’eré a gusu pogu lé. Henga ga Kumu ba debegé lé mainya go maré kain. Ddiang kebong jurgum, dang cindi jurgum. To do poré na habé jurgum ga Kumu ba gigigang a duro delinya mam.