Gelé dong 20:6 - Kebu go dore go herua 1978

⁶ Maré go sua dang dono caigé ’eno, ka belé ga tibé ga Kumu kai dang ga Krist kai bu’, ka di termala dang nai ddegelé dubu.

Gelé dong 20:6 Iomraidhean Croise

NO DO DDARI A KUABA LUK 14:15

Kiddin ga kema pena go jomé kebu doang Jésu ba jé kual lé na, ddi yei wa: Kema go da di Leu do Kumu toi na, ddiang gusu mowa.

MAKTUB DO PAUL TOI DO BA GIO GUSU GA ROM 12:1

Karmeng, ca Kumu ba sol nyageina na, ’enung olgeng ga aia gusugeng bi Kumu sandega do tibé doang cindo do arin carara do mowoi gusi, kua na melaué go cindi go kenga melaui.

MAKTUB DO PAUL TOI DO BA GIO GUSU GA ROM 8:17

Na karndi, na ca ma na da di deba do Kumu toi dang kalang gai ga ddi ba dorgé kebu, na nia wai gelé go cin ca Krist na, na da ’yé do deba dang nai duro hormo doi.

2 Timoté 2:12

Na nia ’yom gusuna duro gelé go cin na, Na da di termala daiang nai bu’, Na nia kainyi cong na, ddia kain na cong bu’.

1 Piér 2:5

Ga ’erageng gusi main keddang go jomang cindi kain ca ké gaddageng kulu go yaué go Habé kogé, ca keng belu ga tibé ga arinyi carara ca tibé Kumu duro habé ga mowoi Kumu gusi ca Jésu Krist.

1 Piér 2:9

Ama kenga kalang ga Kumu pargeng bua, kenga ga tibé ga kelma kai bua, kenga kalang ga arinyi carara bua, kenga kalang ga Kumu kai bu’. Ké pargenga ca kenga dura kual ca gié go Kumu koi go ddari go kagelokemo, na ddi go ba tegeng a duro delem ca kenga jima a duro arinwa doi do kagelokemo.

Gelé dong 1:6

Ddi belena leuiyong ga tibé ga Bai Kumu kai. Hormo dang dono na do Jésu Krist toi bera kuddum, Amin.

Gelé dong 14:13

Kardené ’enung jé nô do pena a dang yeng wa: Ji pasa kual lé, cakcak kua na, ké ga maré duro gié go Bagulong koi na, kanga gusu mowa. Habé yé waldong wang bu’, ’I, kual lé na cindi, ka be gelalé ca gié gogé go homi go ké ba lei cawa gié gogé go ddari go ké ba lei lé, begé tolang nagé.

Gelé dong 2:11

Kema goang gesemei na, ddai ddi ja kual go Habé ga Kumu kai wa yogé yaué go Kumu koi. Kalang ga ddi na, maré go sua go deddegé ’eno.

Gelé dong 20:14

Ké bé temai dang ligiam cin tagu do tua. (Tagu do tua lé na, na maré go ca sua.)

Gelé dong 21:8

Ama kalang ga meré kalang bua, dang kalang ga geddang ’eno bua, dang kalang ga ddisin bua, dang kalang ga deddé temai bua, dang kalang ga béli bua, dang kalang ga lo kema go béli go kagelokemo bua, dang kalang ga yo kual go poi bu’ na, kiddin gagé ga jomé wa cin tagu do tua do ’elua do kurjo, kua na maré go ca sua.

Gelé dong 22:5

Soindo wo ’eno a kené bua, ké go daré arinwa do tua toa kené ’eno bua, kau do teba tua ’eno bu’, cawa Bagulong Kumu banga go ’enua arinwa doi caigé, ka ddi termala waindo waindo bera kuddum.

Gelé dong 22:7

Jésu yé wa: Sela, ’enunga jiga kala, kema go magé kual go duro cidab lé do wa gelé henga ga da ’erga na, gusi da moui.

Gelé dong 3:21

Kalang ga ddi na, ’enunga bigé kiddin ga jomé ca pogu guang daiang nang. Main ’enung ba ddi ma, Bang ba bungang kiddin ga jomé ca pogu goi daiang nai kain bu’.

Gelé dong 5:10

Ji belegé leuiyong ga tibé Kumu ca kandia lai Kumu guana gié bua, Ca kandia dda termala duro delinya bu’.