Gelé dong 20:2 - Kebu go dore go herua 1978

² Ddi ’yom kumbulo go gumu go hali go tumu din, to do poré na habé ga isini kelmagé, na Sidan, ddi saddiang kunja ddegelé dubu.

Gelé dong 20:2 Iomraidhean Croise

Matié 19:29

Kema goni goni goa ddé gulong goi, kau karmei dang karmei ga kandu, dang bai, dang ’yoi, dang karndi, dang yagé cong cang na, ddia wai cageda cainé aru bua, dang jomé goang cindi bera kuddum bu’.

Matié 8:29

Ké osum soi tumoigé, ké ’engeri wa: Kumu Kurondi, ji dar wa a gusuni ga? Ji ’erga kua ca kaidé kual caini tumu jua basé kiddin bbalé ga?

Mark 4:15

Kalang ga pena mainya gasa ga ba ba ca giyong kain, ké jé kual, Sidan ’erga jeddugu kual go ké gesi duro ddaindigé lé cong.

Mark 5:7

Ddi soi tumoi osu, ddi ’engeri wa: Kumu go dang Kurondi Jésu, ji dara wa ga? ’Enung olinyang gusong go Kumu koi, ji gelang cindung ’eno.

Jâ 12:31

Cakcak kua, na kiddin ga kaidé kual ca delinya, cakcak kua ké tai kelma go delinya kua cong.

Jâ 16:11

Ca kual go kaidé bu’, cawa ké kaidé kual ca kelma go delinya kua ka.

MAKTUB DO PAUL TOI DO BA GIO GUSU GA ROM 16:20

Kumu go bo jalua juam ji ’yoab ca heradé Sidan to gondegeng dugo. Dda wai do Bagulondena Jésu toi jimang nageng.

Hébero 2:14

Cawa ké ga ddi ba tégé karang na, kanga gusu dang kebar. Jésu bang gusi belé main nagé, ddi ai todero do gusugé. Ddi lé main kainya ca a gusu maré goi na, ddi toinyé Sidan goang dono do maré toi cong.

1 Piér 5:8

Ga jimageng narua yoal yoal dang cin asua, cawa kogeng go tebena Sidan wa soberé kiddin main gijang go dogé ’enderé kain, ca daré kema go ddia sai di.

2 Piér 2:4

Cawa Kumu sela kangiyong ga ba lé isinwa nyageigé ’eno, ama ddi bégé cin tua do kerbinya, a kiddin ga ddi ba saddigé dang kunja duro delem ca golé wolé go kaidé kual.

MAKTUB DO JUD TOI 1:6

Ga ’eremegeng ca kangiyong ga Kumu kai ga ba kain gié gogé go tumu din cong, ké kain kiddin gagé ga jomé cong bu’. Kumu saddegang kunja go osi bera kuddum, ddi wa magegé wo to kiddin ga delem dugu bera wolé go gumu go kaidé kual ba’.

Gelé dong 12:13

Kiddin ga kumbulo lé ba sol ca kandia debegi duro delinya na, ddi boi gusi kala ca taié tama do ba wo kie lé.

Gelé dong 12:15

Kardené kumbulo lé bedalga kang a kibi main kurai kain, ca na sala tema lé cong.

Gelé dong 12:17

Kardené kumbulo lé belé mainya nain ca tama lé, ddi jogu ’yé worinyé kembel dang ’agernda ga magé so go Kumu koi, dang ké ga jomé geddang ca kual go cindi go Jésu ba gelegé dong.

Gelé dong 12:3

Henga ga gelé ga kagelokemo ga ddang andegang a dang com. Na kumbulo go gumu go yilé goang cai jurgum, dang kebong moac a cai. Cai lé jurgum danga gundu caigé mam.

Gelé dong 12:4

Cinddi sukga desiddiyong kobegé pena, begagé duro delinya, ddé ji sua. Ddi ’eré tumu tama do wa wo lé ca kiddin ga tondia wo na, ddia sai di kié lé.

Gelé dong 12:9

Ké debu kumbulo go gumu lé cong, na kumbulo go hali, na habé ga isini kelmagé go ké ba tei Sidan, na ddi go ba kai kalang a duro delinya mam. Ké debegi duro delinya, ké bega kangiyong gai daiang nai bu’.

Gelé dong 13:2

Gijang go ’enung ba soli lé na, ddi gené mainya cur kain, gondi main gijang kain, kibi main gijang gusugé kain, kumbulo go gumu lé bi dono doi bua, dang pogu goi bua, dang ddo goi go ca bu’.

Gelé dong 13:4

Kalang mam melauwu kumbulo go gumu lé ca ddi ba bi gijang lé dono doi. Ké melauwu gijang lé bu’, ké yé wa: Na wanga bbalé main gijang lé kain ga? Na wanga bbalé worinyé kembelang nai ga?

Gelé dong 20:10

Kardené ké debu Sidan go babegé cin tagu do tua do kurjo, na kiddin ga ké ba debu gijang kang go cogelé kebu go poi kené, ka gel cin teba dang soindo waindo waindo bera kuddum.

Gelé dong 20:7

Kiddin ga ddegelé dubu na bbal na, ka bé Sidan a duro gerngang dang.

Gelé dong 9:11

Kangito go magé ’umbung go digé kuddung go toi basé karé lé na, na sabu do ku kelmagé, ké teiang kebu go Hébero Abadon, dang kebu go Grék ké tei Apolon, to do poré na ddi go basé kalang.